🛑विद्यार्थी सेवा प्रतिष्ठान सिंधुदुर्गचा विद्यार्थी गुणगौरव कार्यक्रम 25 एप्रिलला.

🖋️लोकसंवाद /- सिंधुदुर्ग.

विद्यार्थी सेवा प्रतिष्ठान, सिंधुदुर्ग या संस्थेने आयोजित केलेल्या 5वी शिष्यवृत्ती सराव परीक्षेतील गुणवत्ता यादीत आलेल्या 68 विद्यार्थ्यांचा गुणगौरव सोहळा शुक्रवार दि. 25 एप्रिल रोजी दु. 3.00 वाजता हॉटेल लेमन ग्रास च्या बँक्विट हॉल कुडाळ येथे आयोजित करण्यात आला आहे. कार्यक्रमाचे उद्घाटक मा.श्री.ऋषिकेश रावले, जिल्हा अपर पोलिस अधिक्षक(भा.पो.से.) प्रमुख अतिथी मा.डॉ. गणपती कमळकर, शिक्षणाधिकारी (प्राथ) तसेच मा.श्री. रामचंद्र आंगणे व मा.श्री. शोभराज शेर्लेकर, उपशिक्षणाधिकारी, मा.श्री. किरण चौगुले संस्थापक गुरुकुल एज्युकेशन सोसायटी इ. मान्यवर उपस्थित राहणार आहेत. यावेळी वंचित घटकातील मुलांच्या शिक्षणासाठी विशेष योगदान देणारे श्री. उदय आईर यांना संस्थेच्या वतीने सन्मानित करण्यात येणार आहे. कार्यक्रमाला संबंधित गुणवंत विद्यार्थी, पालक व मार्गदर्शक शिक्षक तसेच प्रतीष्ठानचे सदस्य, हितचिंतक, जिल्ह्यातील शिक्षक बंधू भगीनींनी उपस्थित राहण्याचे आवाहन विद्यार्थी सेवा प्रतिष्ठानचे अध्यक्ष श्री. कर्पुरगौर जाधव, स्वागताध्यक्ष एकनाथ जानकर व सचिव श्री.रविंद्रनाथ गोसावी यांनी केले आहे.