🛑मुंबई शहरासह महाराष्ट्रात मतदानाची टक्केवारी घसरली..

✍🏼लोकसंवाद /- मुंबई.

सकाळी ७ वाजता महाराष्ट्रातील १३ लोकसभा जागांसाठी मतदानाला सुरुवात झाली आणि नाशिक, धुळे, पवईसह अनेक मतदार केंद्रावर ईव्हीएम मशिन बंद पडल्याने मतदानास अडथळा निर्माण झाला. त्यामुळे सकाळच्या पहिल्या टप्प्यात मुंबईसह महाराष्ट्रात मतदानाची टक्केवारी कमीच राहिली. दुपारी १ वाजे पर्यंत महाराष्ट्रात २७.२८ टक्के इतके मतदान झाले. तर देशभरात अनेक ठिकाणी ४० टक्के पेक्षा अधिक मतदान झाले होते. मुंबई शहरात कल्याण मतदार संघात सर्वात कमी २२.५२ टक्के इतके मतदान झाले. तर महाराष्ट्रात सर्वाधिक मतदान मुंबई उत्तर-पूर्वमध्ये २८.८२ टक्के इतके मतदान झाले.

धुळे २८.७३ टक्के, दिंडोरी ३३.२५ टक्के, नाशिक २८.५१ टक्के, पालघर ३१.०६ टक्के, भिवंडी २७.३४ टक्के, कल्याण २२.५२ टक्के, ठाणे २६.०५ टक्के, उत्तर मुंबई २६.७८ टक्के, उत्तर-प.मुंबई २८.४१ टक्के, उत्तर-पूर्व मुंबई २८.८२ टक्के, उत्तर-मध्य मुंबई २८.०५ टक्के, मुंबई दक्षिण-मध्य २७.२१ टक्के, मुंबई दक्षिण २४.४६ टक्के असे महाराष्ट्रातील प्रमाण होते तर देशभरा मध्ये प.बंगाल राज्यात ४८.४१ टक्के व लडाख मध्ये ५२.०२ टक्के इतके मतदान झाले. तर जम्मू-काश्मिर मध्ये ३४.७९ टक्के, झारखंड ४१.८९ टक्के, बिहार ३४.६२ टक्के, ओरिसा ३५.३१ टक्के, उत्तरप्रदेश ३९.५५ टक्के असे प्रमाण राहिले. पाचव्या टप्प्याच्या निवडणुकीत महाराष्ट्रा मध्ये कमी प्रमाणात मतदान झाल्याने राजकीय गणिते बदलणार आहेत.