🛑सिंधुदूर्ग मध्ये कर्णबधीर लोकांचा आंतराष्ट्रीय सप्ताह साजरा.

✒️लोकसंवाद /- कुडाळ.

जिल्हा रुग्णालयात राष्ट्रीय कर्णबधिरता प्रतिबंध व नियंत्रण कार्यक्रमांतर्गत आंतरराष्ट्रीय कर्णबधिरता सप्ताह २१ ते २९ सप्टेंबर दरम्यान विविध उपक्रमांनी साजरा करण्यात आला.सप्ताहाचे उद्घाटन जिल्हा शल्यचिकित्सक डॉ. श्रीपाद पाटील यांच्या हस्ते झाले. कार्यक्रमाला अति . जिल्हा शल्य चिकित्सक डॉ अर्जुन नरोटे ,निवासी वैद्यकीय अधिकारी डॉ सुबोध इंगळे, कान नाक घसा तज्ञ डॉ. श्याम राणे, ऑडिओलॉजिस्ट प्रविण पाटील, श्रीधर पोवार व स्वाती रावले उपस्थित होते.कार्यक्रमामध्ये कानाचे श्रवणशक्ती चे आरोग्य व महत्व सांगण्यात आले. कानांच्या आरोग्याची योग्य काळजी घेण्याचे आवाहन करण्यात आले.सप्ताहानिमित्त विविध
कार्यक्रम राबनण्यात आले त्यामध्ये नर्सिंग कॉलेजमधे वर्कशॉप व रॅली शाळांना भेटी देऊन कर्णबधिरता प्रतिबंध कार्यक्रमाची माहिती देण्यात आली. तसेच कानांचे दोष, कानांची घ्यायची काळजी याबाबत विद्यार्थ्यांमध्ये जनजागृती करण्यात आली. शाळा स्तरावर विविध स्पर्धांचेही आयोजन करण्यात आले होते.