🛑राष्ट्रवादी काँग्रेस पक्षाचे सिंधुदुर्ग जिल्हाध्यक्ष अमित सामंत यांचा वाढदिवस सर्वपक्षीयांच्या उपस्थितीत साजरा.

🖋️लोकसंवाद /- समिल जळवी, कुडाळ.

राष्ट्रवादी शरद पवार काँग्रेस पक्षाचे सिंधुदुर्ग जिल्हाध्यक्ष अमित सामंत यांच्या वाढदिवसानिमित्त सर्वपक्षीयांनी त्यांच्यावर शुभेच्छाचा वर्षाव केला.आजही आम्ही जिथे आहोत तिथेच आहोत,कारण एकच आहे  निष्ठावंत.कारण सर्वप्रथम आपण माणूस आहोत हे प्रत्येकाने लक्षात ठेवले पाहिजे. सद्यस्थितीत जी राजकीय कटूता निर्माण झाली आहे ती निष्ठेच्या व पक्षभेद विसरून आपण केलेल्या कामामुळे कमी होते,असा सुध्दा आपल्याला अनुभव आला असल्याचे जिल्हाध्यक्ष अमित सामंत यांनी सांगितले.

कुडाळ मराठा समाज एसी हाॅल येथे राष्ट्रवादी शरद पवार काँग्रेस पक्षाचे जिल्हाध्यक्ष अमित सामंत यांच्या वाढदिवसानिमित्त अभिष्टचिंतन कार्यक्रम संपन्न झाला.यावेळी माजी आ.वैभव नाईक,काॅग्रेस जिल्हाध्यक्ष ईर्षाद शेख, शिवसेना ठाकरे गटाचे नेते संदेश पारकर,आप जिल्हाध्यक्ष विवेक ताम्हणकर, राष्ट्रवादी महाराष्ट्र प्रदेश उपाध्यक्ष सौ.नम्रता कुबल,जिल्हा बँक माजी संचालक प्रसाद रेगे,आत्माराम ओटवणेकर,नगरसेवक मंदार शिरसाट,बाळ कनयाळकर,बॅरिस्टर.नाथ पै.संस्था चेअरमन उमेश गाळवणकर, कुडाळ व्यापारी संघटना अध्यक्ष श्रीरामा शिरसाट, शिवाजी घोगळे,शिवसेना शहर प्रमुख ओंकार तेली, गणेश भोगटे,नझिर शेख,संजय लिंगवत, पुंडलिक दळवी,नकुल पार्सेकर, पिंगुळी सरपंच अजय आकेरकर,पिंगुळी ग्रामपंचायत सदस्य शशांक पिंगुळकर,सामाजिक कार्यकर्ते श्री. चेतन धुरी,उदयोजक श्री.अजय पांगम,जिल्हा बँक संचालक विद्याप्रसाद बांदेकर, अशोक कांदे,,अतुल बंगे,श्रीराज शहा,विशाल बागायतकर ,विजय प्रभु,औदुत मालडंकर, सचिन कुडाळकर, आदीसह सर्वपक्षीय पदाधिकारी कार्यकर्ते आणि कुडाळ तालुक्यातील पत्रकार बांधव उपस्थित होते.

यावेळी अमित सामंत म्हणाले की,गेल्याच वर्षी निवडणूक झाली,अनेक पक्षात अनेक स्थित्यंतरे झाली.काहीजण निष्ठेने पक्षात राहीले,ते निष्ठावंत झाले.ज्यावेळी आपण समाजात वावरतो; त्यावेळी आपण सर्वांनी पक्षभेद विसरून समाजात काम गेले पाहिजे.प्रत्येकाने असंच वागावं असं माझं मत आहे.आपण मदत केली तर अनेक जण चांगल्या व वाईट वेळेला एकत्र येतात.माझी कायम सुरुवात सर्वपक्षियांना एकत्र करण्याची असते. आपल्या पक्षावर निष्ठा ठेवली,नेत्यांवर निष्ठा ठेवली तर आपण तिथेच राहतो.आपणही तिथेच राहणार उद्या काही होऊ देत आपण निष्ठेने तिथंच राहणार असल्याचे सांगून उपस्थित सर्वपक्षीय पदाधिकारी कार्यकर्त्यांचे आभार मानले.

यावेळी वैभव नाईक म्हणाले की,अमित सामंत यांनी विद्यार्थी दशेपासुन,समाजकारणात ,राजकारणात काम सुरू केले आहेत.गेली दोन-तीन दशकं त्यांचं काम सुरू आहे.आज ते सत्तेत नाहीत,त्यांचा पक्ष सत्तेवर नाही तरीसुद्धा त्यांचे अनेकांशी चांगले संबंध आहेत.कोरोणा काळामध्ये त्यांनी ओरोस मध्ये म्हाडाचे हाॅस्पिटल सुद्धा सुरू केले होते.आज सर्व पक्षियांना एकत्र आणण्याचं काम श्री.सामंत करीत असतात.म्हणुनच त्यांच्या मागे जणाधार आहे असे सांगत त्यांना शुभेच्छा दिल्या.

ईर्षाद शेख म्हणाले की, अमित सामंत आमदार व्हावे, मंत्री व्हावेत अशा आजच्या दिनी शुभेच्छा देत असल्याचे सांगितले.विवेक ताम्हणकर म्हणाले की, शेवटच्या घटकांपर्यंत लक्ष असणारं अमित सामंत हे व्यक्तिमत्त्व आहे.माणुस कोण आहे हे पाहत न बसता त्याची काय गरज आहे,आणि ती गरज पुर्ण करण्यासाठी प्रामाणिक प्रयत्न करणारे व्यक्ती म्हणजे अमित सामंत होय.त्यांचा भविष्यकाळ निश्चितच उज्वल असेल असा विश्वास श्री.ताम्हणकर यांनी व्यक्त केला.प्रसाद रेगे म्हणाले की, एक स्पष्ट वक्ता, दुरदृष्टी असलेलं व्यक्तीमत्व म्हणजे अमित सामंत.त्याचा भविष्य काळ निश्चितच चांगला होईल असा विश्वास व्यक्त केला.

नम्रता कुबल म्हणाल्या की, राष्ट्रवादी पक्षात आ.कै.गुरुनाथ कुलकर्णी (गुरुजी) नंतर आम्ही तुमच्याकडे आशेने पाहत आहोत.तुमचं भविष्यातील स्वप्न पुर्ण होवोत अशी आमची अपेक्षा आहे असे सांगितले. उमेश गाळवणकर म्हणाले की,मैत्री कशी जपावी यांचं ज्वलंत उदाहरण म्हणजे अमित सामंत होय,ही त्यांची वेगळी ओळख आहे.राजन नाईक म्हणाले की,पक्षाच्या पडत्या काळात अमित सामंत,प्रसाद रेगे यांनी भक्कम साथ दिली.संघर्ष काळात पाठीशी ठाम उभे राहणारी माणसं फार कमी असतात,त्यातीलच एक म्हणजे अमित सामंत असल्याचे राजन नाईक यांनी सांगुन त्यांना शुभेच्छा दिल्या.नकुल पार्सेकर म्हणाले की,आजकाल पक्षनिष्ठा संपुण गेली आहे.जे कार्यकर्ते विचारधारा पाळतात त्यांना संघर्ष करावा लागतो.अशातीलच एक नेतृत्व म्हणजे अमित सामंत होय.अमित सामंत हे संयमी आहेत, त्यांच्या संयमाचा भविष्यात निश्चितच त्यांना फायदा होईल असा विश्वास व्यक्त केला.

यावेळी आत्माराम ओटवणेकर ,बाळ कनयाळकर, राजन नाईक,रुपेश जाधव,एड.विशाल जाधव, अमोल टेंबकर,संजीव लिंगवत आदींनी मनोगत व्यक्त करत शुभेच्छा दिल्या.या कार्यक्रमाला सर्वपक्षियांनी उपस्थिती दर्शविली होती.या कार्यक्रमाचे सुत्रसंचलन सचिन पाटकर यांनी करून शेवटी आभार मानले.