🛑कट्टा वराडकर हायस्कूल मद्धे जिल्हा महिला व बाल विकास च्या माध्यमातून विध्यार्थी,महिला व बालकांसाठी महत्वाचे मार्गदर्शन.

✒️लोकसंवाद /- सिंधुदुर्ग.

जिल्हा महिला व बाल विकास कार्यालय सिंधुदुर्ग अंतर्गत कार्यरत सखी वन स्टॉप सेंटर आणि जिल्हा विधी सेवा प्राधिकरण, सिंधुदुर्ग यांच्या संयुक्त विद्यमाने दिनांक ३० ऑक्टोबर २०२६ रोजी कट्टा वराडकर हाय स्कूल येथे एका विशेष कायदेशीर मार्गदर्शन शिबिराचे आयोजन करण्यात आले.

​या कार्यक्रमाच्या माध्यमातून विद्यार्थ्यांना महिला व बालकांसाठीच्या शासनाच्या विविध योजना,कायदेशीर अधिकार तसेच जिल्हा महिला व बाल विकास कार्यालय अंतर्गत कार्यरत असणाऱ्या हेल्पलाईन आणि विविध सुविधांविषयी सविस्तर मार्गदर्शन करण्यात आले.

​कार्यक्रमाची सुरुवात दीपप्रज्वलन व मान्यवरांच्या स्वागताने झाली. या शिबिरास जिल्हा विधी सेवा प्राधिकरणाचे सचिव श्री. नडगदल्ली साहेब आणि श्रीम. मीनाक्षी नाईक प्रमुख उपस्थित होते. त्यांनी विद्यार्थ्यांशी संवाद साधत कायद्याचे महत्त्व व सुरक्षेविषयी मोलाचे मार्गदर्शन केले. तसेच, जिल्हा महिला व बाल विकास अधिकारी श्री. शिणगारे साहेब यांचे बहुमोल मार्गदर्शन व प्रेरणा या कार्यक्रमाला लाभली.​शालेय स्तरावर विद्यार्थ्यांमध्ये कायदेशीर जाणीवजागृती निर्माण व्हावी या उद्देशाने आयोजित केलेल्या या शिबिरात कट्टा वराडकर हाय स्कूलचे प्राचार्य, शिक्षकवृंद व शालेय विद्यार्थ्यांनी मोठ्या संख्येने सहभाग घेतला. शालेय शिक्षक व प्राचार्यांच्या मार्गदर्शनाखाली हा कार्यक्रम अत्यंत शिस्तबद्ध आणि यशस्वी पार पडला.​कार्यक्रमाच्या शेवटी उपस्थितांनी अशा प्रकारच्या उपक्रमांचे कौतुक करून विद्यार्थ्यांच्या सर्वांगीण विकासासाठी ते अत्यंत उपयुक्त असल्याचे मत व्यक्त केले.