🛑परीट समाजाच्या वतीने कुडाळ येथे कोकण विभागीय स्नेह-वधुवर मेळाव्याचे ४ मे.रोजी आयोजन.

🖋️लोकसंवाद /- समिल जळवी,कुडाळ.

संत गाडगेबाबा परीट सेवा संघ सिंधुदुर्ग आयोजित आणी कुडाळ तालुका संत गाडगेबाबा परीट सेवा संघ, यांच्या माध्यमातून भव्य दिव्या असा कोकण विभागीय तिसरा स्नेह मेळावा व पहिला वधुवर मेळावा ०४.०५.२०२५.मे रोजी सकाळी ९ ते सायंकाळी ६ यावेळेत कुडाळ येथील श्री.सिद्धिविनायक मंगल कार्यालयात येथे आयोजित करण्यात आला आहे.श्री संत गाडगेमहाराज परीट समाज सेवा संघ (सिंधुदुर्ग) च्यावतीने येथील लाईम लाईट हॉटेल येथे आज पत्रकार परिषद आयोजित करण्यात आली होती.त्यावेळी त्यावेळी परीट समाजाच्या वतीने जिल्हाध्यक्ष दिलीप भालेकर बोलत होते.

या कोकण विभागीय स्नेह व वधूवर मेळाव्यास सिंधुदुर्ग,रत्नागिरी,रायगड,गोवा व बेळगाव जिल्ह्यातील २५०० ते ३००० हजार परीट समाज बांधव या मेळाव्याला उपस्थित राहणार आहेत.सिंधुदुर्ग जिल्ह्यातील परीट समाजाचा हा पहिलाच मेळावा आहे. सिंधुदुर्ग जिल्ह्यातील परीट समाजाची ताकद या मेळाव्यातून दिसून येणार आहे. आतापर्यंत १६० वर व ५०ते ६०वधूनी नाव नोंदणी केली आहे.त्यामुळे जास्तीत-जास्त वधू-वरांनी नोंदणी करून या मेळाव्याला उपस्थित राहावे असे आवाहन श्री संत गाडगे महाराज परीट समाज सेवा संघ जिल्हाध्यक्ष दिलीप भालेकर व महाराष्ट्र प्रदेश सदस्य प्रदीप नारकर यांनी रविवारी येथे पत्रकार परिषदेत केले.

महाराष्ट्र परीट (धोबी) सेवा मंडळाचे वरिष्ठ प्रदेश उपाध्यक्ष शांतारामभाऊ कदम या कार्यक्रमाचे अध्यक्ष आहेत.परीट समाज राष्ट्रीय अध्यक्ष कृष्णाकांत कोनोजीया, अखिल भारतीय परीट (धोबी) महासंघ राष्ट्रीय वरिष्ठ उपाध्यक्ष एकनाथराव बोरसे, महाराष्ट्र परीट (धोबी) महासंघ अध्यक्ष खंडेराव कडलकर, अखिल भारतीय धोबी महासंघ प्रदेश महिला अध्यक्षा सीमाताई रंधे, महाराष्ट्र परीट (धोबी) महासंघ प्रदेश महिला कार्याध्यक्षा सुषमाताई अमृतकर, महाराष्ट्र माजी प्रदेशाध्यक्ष राजेंद्रशेठ खैरनार, महाराष्ट्र परीट सेवा मंडळ उपाध्यक्ष संतोष भालेकर, समाज मार्गदर्शिका रेखाताई कदम, कोकण विभागीय मंडळ अध्यक्ष नंदकुमार राक्षे, कोकण विभागीय मंडळ कार्याध्यक्ष अनिल सुर्वे, मराठा मडवळ हितवर्धक समाज महाराष्ट्र अध्यक्ष लक्ष्मण गांवकर, रत्नागिरी जिल्हाध्यक्ष दीपक कदम, रायगड जिल्हाध्यक्ष विलास तळेकर, गोवा राज्य अध्यक्ष नारायण पिसुर्लेकर, बेळगाव जिल्हाध्यक्ष अशोक जाधव, सिंधुदुर्ग महिला जिल्हाध्यक्षा दीपाली भालेकर यांची प्रमुख उपस्थिती असणार आहे,असेही त्यांनी सांगितले.

यावेळी संत गाडगेबाबा परीट सेवा संघाचे जिल्हा उपाध्यक्ष नागेश कुडाळकर,जिल्हा सचिव अनिल शिवडावकर,महिला जिल्हाध्यक्षा दीपाली भालेकर,मालवण तालुकाध्यक्ष मोहन वालकर,कुडाळ तालुकाध्यक्ष सदानंद अणावकर,कणकवली तालुकाध्यक्ष भालचंद्र करंजेकर,देवगड तालुकाध्यक्ष विजय पाटील,जिल्हा सदस्य संदीप कडू,गुरुनाथ मडवळ,संदीप बांदेकर,सावंतवाडी महिला तालुकाध्यक्षा देवयानी मडवळ,महिला कुडाळ तालुकाध्यक्षा अक्षता कुडाळकर,जिल्हा सदस्य अशोक पोखरणकर,सह खजिनदार अशोक आरोलकर,सविता कुडाळकर,धनश्री चव्हाण,युवा प्रदेश सदस्य गितेश कडू,गणेश कुणकेश्वर,तातू कडू, गुरुनाथ कुडाळकर, आदी उपस्थित होते.

पुढे बोलताना दिलीप भालेकर म्हणाले,या मेळाव्यास महाराष्ट्रातील या समाजातील वरिष्ठ नेते मंडळी उपास्थित राहून मार्गदर्शन करणार आहेत. स्नेहमेळावा व वधुवर सूचक मेळावा एकाच दिवशी होत असल्याने कोकण विभागात तसेच सिंधुदुर्गात या समाजामध्ये एक उत्साहाचे वातावरण निर्माण झाले आहे. सकाळच्या सत्रात स्नेह मेळावा व दुपारी 3 वाजता वधू-वर मेळावा होणार आहे. तळागाळातील सर्व समाजाला एकत्र करून त्यांना रोजगाराच्या संधी देणे, तरुणांना व्यवसाय, नोकरीत स्थान देणे, महिलांना आर्थिक सक्षमीकरण करणे, श्री संत साडगेबाबा समाज धर्मशाळा बांधणे, परीट समाज आर्थिक विकासमंडळाची स्थापना करणे, मुला-मुलींना शैक्षणिक क्षेत्रात भरीव योगदान देणे यासाठी भविष्यात प्रयत्न केले जाणार आहेत. तसेच गरीब परीट समाजातील कुटुंबांना आर्थिक मदत करणे, याचबरोबर रक्तदान शिबिर, विविध क्षेत्रात प्राविण्य मिळविलेल्या विद्यार्थ्यांचा सत्कार, स्वच्छता मोहीम असे सामाजिक, सांस्कृतिक उपक्रम भविष्यात राबविण्यात येणार असल्याची माहिती त्यांनी दिली.

२०२५ साली परीट समाजाची जिल्हा कार्यकारणी तयार करण्यात आली. या मेळाव्याचे आर्थिक नियोजन परीट समाजाच्या माध्यमातून करण्यात आले आहे. कुठल्याही राजकीय पक्षाच्या किंवा लोकप्रतिनीधीच्या माध्यमातून या करण्यात आलेले नाही. समाजातील लोकांना एकसंघ करण्यासाठी हामेळावा आहे. आमच्या समाजात मुलीची संख्या खूप कमी आहे. तसेच मुली या उच्चशिक्षित त्यामुळे लग्न जमविताना खूप मोठे अडथळे निर्माण होतात.त्यामुळे हा मेळावा यशस्वी करण्यासाठी आमचा प्रयत्न आहे. वधूवरांना नाव नोंदणीसाठी एक लिंक तयार करण्यात आली आहे. तसेच वधूवरांसाठी एक विशेष कमिटी तयार करण्यात आली आहे.परीट समाजातील लोकांसाठी हा मेळावा आहे. इच्छुक वधू-वरांनी आपला फोटो व बायोडाटा सदानंद अणावकर व अविनाश परीट मोबा-9420356326 वर संपर्क साधावा असे आवाहन त्यांनी केले. प्रदीप नारकर यांनीही मार्गदर्शन केले.