🛑अवकाळी पावसामुळे आंबा,काजू ची नुकसान भरपाई वेळेत मिळण्यासाठी आंबा बागायतदारांचे जिल्हाधिकारी यांना निवेदन !

✍🏼लोकसंवाद /- सिंधुदुर्ग.

सिंधुदुर्गातील आंबा,काजू उत्पादक बागायातदार संघ सिंधुदुर्ग यांनी अचानक आलेल्या अवकाळी पावसामुळे आंबा, काजूचे झालेले नुकसान हे शेतकऱ्यांना परवडणारे नसून याची नुकसान भरपाई योग्य वेळेत शासनाकडून मिळावी यासाठी जिल्ह्यातील आबा बागायतदार यांनी सिंधुदुर्ग जिल्ह्याचे जिल्हाधिकारी श्री. किशोर तावडे यांची प्रत्यक्ष भेट घेऊन चर्चा करत निवेदन दिले.यावेळी आंबा बागायतदार जयप्रकाश चमणकर,नीलेश गोवेकर आणि जिल्ह्यातील अनेक आंबा बागायतदार उपस्थित होते.

याच पार्श्वभूमीवर राष्ट्रवादी काँग्रेसचे प्रांतिक सदस्य निलेश गोवेकर ,राष्ट्रवादी काँग्रेसचे जिल्हाध्यक्ष अमित सामंत यांच्या मार्गर्शनाखाली लोकशाही मार्गाने आंदोलन करण्यात येणार असल्याचे सांगितले नीलेश गोवेकर यांनी सांगितले.

सिंधुदुर्ग जिल्हयात मोठ्या प्रमाणावर अवकाळी पाऊस पडला आहे.आंबा व काजू पीकाच्या झालेल्या नुकसानीबाबत तसेच पीक विमा नुकसान भरपाईबाबत मागणी केली आहे.परिणामी आबा व काजू पीकावर आलेला मोहोर काळा पडत आहे.मागील वर्षी केवळ १८% इतके पीक शेतकऱ्यांच्या हाली आल्याने जवळपास सर्वच बागायतदार कर्जबाजारी झाले आहेत.गेल्या वर्षी घेतलेल्या औषधांचे पैसे ही अ‌द्याप बन्याच जणांनी दिलेले नाहीत तशातच अवकाळी पाऊसामुळे आंबा व काजूवर हजारों रुपये खर्च करुन मारलेले औषध वाया गेले असून महागड्या किटकनाशक तसेच बुरशीनाशकाची फवारणी घ्यावी लागल आहे.

आधीच आर्थिकदृष्ट्या डबघाईला आलेल्या शेतकयांना हा खर्च परवडणारा नाही. त्यामुळे शेतक-यांनी खरेदी किटकनाशकांवर १००% अनुदान देणेत यावे विमा कंपनीला तात्काळ नुकसान भरपाई द्यावी.तसेच आंबा व काजू पीकासाठी प्रधानमंत्री पीक विमा योजनेखाली शेतकऱ्यानी गेल्या वर्षी वीम्याचा हप्ता भरला होता. मात्र केवळ १८% पीक शेतकऱ्याच्या हाती येऊनही शेतकऱ्याना नाममात्र भरपाईची रक्कम मिळाली आहे.ही योजना बदलल्या हवामानावर आधारित असली तरीही सदोष लपामान मापक व पर्जन्य मापकाचा फटका शेतकऱ्यांना बसला आहे.

तसेच पीक विम्याचा कालावधी हा संपूर्ण वर्षाकरीता असावा मागील वर्षी सुमारे १८% इतके अत्यल्प उत्पन्न हाती येऊन ही शासनाने शेतकन्याना कोणतीही नुकसान भरपाई दिलेली नाही. तरी मागील वर्षीची नुकसान भरपाई रु.५०,०००/- रुपये एवढी शेतकऱ्यांना त्वरीत देणेत यावी.अशी मागणी आंबा उत्पादक शेतकऱ्यांनी जिल्हाधिकारी कार्यालयात भेट देत केली आहे.