🛑सखी वन स्टॉप सेंटर आणि समुपदेशन केंद्र कुडाळ यांच्या संयुक्त विद्यमाने ‘पाण खोल जुवा’ बेटावर कायदेशीर मार्गदर्शन शिबीर संपन्न..

✒️लोकसंवाद /- मालवण.

जिल्हा महिला व बाल विकास कार्यालय,सिंधुदुर्ग अंतर्गत सखी वन स्टॉप सेंटर सिंधुदुर्ग,अभय केंद्र मालवण आणि समुपदेशन केंद्र (कुडाळ पोलीस स्टेशन परिसर) यांच्या संयुक्त विद्यमाने मालवण तालुक्यातील निसर्गरम्य अशा ‘पाण खोल जुवा’ बेटावर नुकतेच एक विशेष कायदेशीर मार्गदर्शन शिबीर उत्साहात पार पडले.

​या कार्यक्रमाचा मुख्य उद्देश ग्रामीण भागातील महिला आणि मुलांमध्ये कायदेशीर जाणीवजागृती निर्माण करणे हा होता. बेटावरील स्थानिक महिला व मुले या शिबिरात मोठ्या संख्येने उपस्थित होते.​कार्यक्रमा दरम्यान महिला व बालकांसाठी शासनातर्फे राबविण्यात येणाऱ्या विविध कल्याणकारी योजना,कायदेशीर हक्क, संरक्षण व मदत मिळवून देणाऱ्या विविध हेल्पलाईन व सुविधांविषयी सविस्तर मार्गदर्शन करण्यात आले. ग्रामीण स्तरावर प्रत्येकाला कायदेविषयक साक्षरता लाभावी यासाठी पथकातील अधिकाऱ्यांनी उपस्थितांशी संवाद साधला.

​सदर कार्यक्रमास जिल्हा महिला व बाल विकास अधिकारी श्री.शिणगारे साहेब यांचे बहुमोल मार्गदर्शन लाभले.त्यांच्या मार्गदर्शनाखाली आणि प्रेरणेने हा महत्त्वपूर्ण उपक्रम बेटावरील नागरिकांपर्यंत पोहोचवण्यात आला.

​या शिबिरामध्ये कार्यालयीन कर्मचारी श्रीम. मीनाक्षी नाईक,महेंद्र जाधव, मेघा वराडकर आणि निकिता पाटकर यांनी सक्रिय सहभाग घेऊन संपूर्ण कार्यक्रमाचे यशस्वी संयोजन केले व उपस्थितांच्या विविध प्रश्नांचे निरसन केले.​बेटावरील दुर्गम भागात अशा प्रकारचा जनजागृती कार्यक्रम पहिल्यांदाच झाल्यामुळे ग्रामस्थांनी, विशेषतः महिला व मुलांनी समाधान व्यक्त केले असून, भविष्यातही अशा उपक्रमांची अपेक्षा व्यक्त केली आहे.