🛑जिल्हा काँग्रेसचे ओरोस येथे काळ्या फिती बांधून मूक आंदोलन..

✒️लोकसंवाद /- ओरोस.

देशातील शिक्षण व्यवस्थेतील कथित अनागोंदी, कारभार आणि परीक्षेतील पेपरफुटी प्रकरण, दिल्लीतील आंदोलनकर्त्यांवरील लाठीहल्ला आणि विरोधी पक्षनेते राहुल गांधी यांच्यावरील कारवाईच्या निषेधार्थ सिंधुदुर्ग जिल्हा काँग्रेस कमिटीच्या वतीने बुधवारी जिल्हाधिकारी कार्यालयाच्या प्रवेशद्वाराजवळ काळ्या फिती बांधून मूक आंदोलन करण्यात आले.

महाराष्ट्र प्रदेश काँग्रेस कमिटीच्या निर्देशानुसार आयोजित करण्यात आलेल्या या आंदोलनात केंद्र सरकारच्या भूमिकेचा निषेध व्यक्त करण्यात आला. या आंदोलनात सिंधुदुर्ग जिल्हा काँग्रेस कमिटीचे अध्यक्ष अरविंद मोंडकर, प्रांतिक सदस्य प्रकाश जैतापकर, जिल्हा उपाध्यक्ष नागेश मौर्ये व विजय प्रभु, सरचिटणीस रवींद्र म्हापसेकर, जिल्हा कार्यकारिणी सदस्य प्रवीण आचरेकर, मधुकर लुडबे, सरदार ताजर, तालुकाध्यक्ष प्रदीप मांजरेकर, अभय शिरसाठ, जेम्स फर्नांडिस, अभय मालवणकर, भालचंद्र जाधव, तबरेज शेख, यश गाटे, दीपक पाडावे, पीटर फर्नांडिस यांच्यासह काँग्रेसचे पदाधिकारी, कार्यकर्ते, विद्यार्थी, पालक आणि विविध सामाजिक क्षेत्रातील मान्यवर मोठ्या संख्येने उपस्थित होते.

सिंधुदुर्ग जिल्हा काँग्रेसने विद्यार्थ्यांच्या हितासाठी केंद्र सरकारने तत्काळ ठोस भूमिका घेऊन शिक्षण व्यवस्थेवरील जनतेचा विश्वास कायम राखावा, अशी मागणी यावेळी केली.