🛑विनायक राऊत आणि त्यांचे पुत्र गितेश राऊत यांच्या अशोभानीय कृत्याचा जाहीर निषेध!

✒️लोकसंवाद /- कुडाळ.

विनायक राऊत आणि त्यांचा मुलगा जे एक माजी आणि आजी लोकप्रतिनिधी आहेत त्यांच्याच सुनेने /पत्नीने गंभीर स्वरूपाचे आरोप करून गुन्हा दाखल झालेला आहे. खरं म्हणजे ही खूपच लांनच्छानस्पद बाब आहे.त्याच्यावर त्वरित कडक कारवाई झालीच पाहिजे.

सिंधुदुर्गाच नाव यांनी संपूर्ण महाराष्ट्रात बदनाम केलय.मागे कोणीतरी एका सिरीयल मधे कोकण म्हणजे मांत्रिकी – देवसकी- भुताटकी – बुवाबाजी असं दाखवलं होत त्यावर आम्ही आवाज उठवत आमच्या कोकणची बदनामी सहन केली नव्हती. यात पक्षीय राजकारण अजिबात नाही. सिंधुदुर्ग ची एक वेगळी अभिमानास्पद ओळख आहे, लग्नात हुंडा घेत नाही आणि देतही नाही, लग्नाचा खर्च दोन्ही कडचे समान करतात, आमच्याकडे हुंडाबळी अजिबात नाही ही आमची ओळख पण या माजी खासदारांनी आमच्या जिल्ह्याची इज्जत घालवली.

आमच्याकडे सुनेला मुलगी मानत नाही तर मुलीसारखं वागवतात. प्रत्येक कुटुंबात वाद – विवाद असतातच पण एका महिलेचा अशाप्रकारे छळ करणे हे आमच्या कोकणी संस्कृतीत बसत नाही.

भारताच्या सर्वोच्च सभागृहात दोनवेळा जाऊन हेच कळालं का राऊत यांना? श्रीमती गिरीजा राऊत यांना लवकरात लवकर न्याय मिळावा व संबंधित राऊत पिता – पुत्र आणि जे कोणी या गुन्ह्यात सामील आहेत त्यांना कठोर शिक्षा झालीच पाहिजे. छत्रपती शिवरायांच्या पद स्पर्शाने पावन या सिंधुदुर्गच्या भूमीने तुम्हाला दोन वेळा खासदार केलं त्याच सिंधुदुर्गचा तुम्ही अपमान केला. आता कुठल्या तोंडाने महाराजांचे नाव घ्याल? माझं जिल्हातील उबाठा च्या महिला पदाधिकारी किंवा इतर सर्व पक्षीय महिलांना आवाहन आहे आपल्याच जिल्हातील माजी खासदारांवर जर अशा प्रकारचा गुन्हा त्यांची स्वतः ची सून दाखल करत असेल तर एक सामाजिक जाणीव असलेली महिला म्हणून आपण सर्वसानीच या गुन्हेगारांना कडक शिक्षा व्हावी अशी एकमताने मागणी करूया.नगरसेविका सौ. संध्या प्रसाद तेरेसे यांनी आपल्या प्रसिद्धी पत्रकाच्या माध्यमातून केली आहे.