🛑जि. प. प्राथमिक शाळा कुंब्रल नंबर 3 शाळेत शाळा प्रवेशोत्सव कार्यक्रम उत्साहात साजरा..

✒️लोकसंवाद /- दोडामार्ग.

दोडामार्ग तालुक्यातील जि. प. प्राथमिक शाळा कुंब्रल नंबर 3 शाळेत शाळा प्रवेशोत्सव कार्यक्रम उत्साहात साजरा करण्यात आला.ग्रामीण भागातील शाळा असून सुद्धा गेल्या वर्षीच्या तुलनेत तब्बल दहा संख्येने पट वाढला ग्रामस्थ आणि शिक्षक यांचे कार्य कौतुकास्पद आहे. असे गौरवोद्गार कार्यक्रमाचे वेळी पंचायत समिती माजी सदस्य श्री बाबुराव धुरी यांनी काढले कुंब्रल नंबर 3 शाळेसाठी यावर्षी शैक्षणिक उठावातून 2 लाख 50 हजार रुपये एवढा निधी ग्रामस्थांनी उपलब्ध करून दिला त्याशिवाय मुलांना दप्तर, पाणी बॉटल, छत्री,सँडल अशा शैक्षणिक साहित्याचे वाटप माजी विद्यार्थी संघामार्फत करण्यात आले. यावेळी व्यासपीठावर माजी सरपंच श्री प्रवीण परब विद्यमान सरपंच श्री जनार्दन गोरे उपस्थित होते लोकसहभाग मिळवण्यासाठी आम्ही नेहमीच तत्पर असु सामाजिक बांधिलकी जपणे हे आमचे प्रथम कर्तव्य आहे शिक्षक पालक आणि समाज यातूनच शाळेचा विकास होत असतो असे विचार माजी सरपंच तथा माजी विद्यार्थी संघ अध्यक्ष श्री प्रवीण परब यांनी व्यक्त केले प्रवीण परब यांचे कार्य कौतुकास्पद आहे नेहमीच शाळेसाठी ते झटत असतात सामाजिक बांधीलकी जपणारा माणूस असे गौरवोद्गार सरपंच श्री जनार्दन गोरे यांनी व्यक्त केले सदर कार्यक्रमाचे प्रास्ताविक श्री मणिपाल राऊळ यांनी केले सूत्रसंचालन श्री घाटविसावे सर व आभार प्रदर्शन श्री दत्तप्रसाद देसाई यांनी केले सदर कार्यक्रमाच्या वेळी व्यासपीठावर ग्रामपंचायत सदस्य संजय परब शाळा व्यवस्थापन समिती अध्यक्ष श्रीम.भार्गवी परब प्रकाश नाईक पालक, शिक्षक मोठ्या संख्येने उपस्थित होते. यावर्षी इयत्ता पहिली मध्ये दाखल होणाऱ्या मुलांचे पुष्प वर्षावाने स्वागत करण्यात आले सर्व मुलांसाठी शासनामार्फत पुस्तके गणवेश यांचे वाटप मान्यवरांच्या हस्ते करण्यात आले.