🛑सावंतवाडीत चोरट्यानी तीन बंद फ्लॅट फोडले,रुमाल बांधून फिरताना चोरटे सीसीटीव्हीत कैद.;पोलिसांकडुन तपास सुरु.

🖋️लोकसंवाद /- सावंतवाडी.

सावंतवाडी शहरात सर्वोदय नगर आणि शिरोडा नाका येथील परिसरातील तीन बंद फ्लॅट फोडून चोरी करण्याचा प्रयत्न केला.मात्र चोरट्यांच्या हाती काहीच लागले नाही.विशेष म्हणजे सर्वोदय नगरात तोडांला रूमाल बांधून फिरताना हे दोघे चोरटे सीसीटीव्हीत कैद झाले आहेत.दरम्यान याबाबतची माहिती मिळाल्यानंतर पोलिसांनी त्या ठिकाणी धाव घेतली. मात्र चौकशी दरम्यान चोरीला काहीच गेले नसल्याचे पोलिसांचे म्हणणे आहे. ही घटना आज सकाळी उघडकीस आली. संबंधित प्रकार हा रात्री साडेचार वाजण्याच्या सुमारास घडला. सर्वोदय नगर परिसरातील कॅमेरात ते चोरटे दिसत आहेत. तोंडाला रुमाल बांधून ते परिसरात फिरत आहेत. त्यानंतर त्यांनी शिरोडा नाका परिसरात चोरी केली असावी,असा पोलिसांचा संशय आहे.