🛑मुख्य वीज वाहिनीची चोरी होऊन देखील महावितरण कडून पोलीस तक्रार दाखल नाही.

🖋️लोकसंवाद /- सावंतवाडी.

सुमारे दोन-तीन महिने पूर्वी चोरी होऊन देखील महावितरणच्या अधिकाऱ्यांकडून कोणतीही तक्रार दाखल नाही.
आंबोली ते पारपोली अशी महावितरण ची मुख्य विजवाहिनीला पर्यायी विज वाहिनी सुमारे सात ते आठ वर्षांपूर्वी उभारण्यात आली होती या वीज वाहिनीच्या तारा ओवळीये ते पारपोली दरम्यान सुमारे दोन ते अडीच किलोमीटर अंतरावरील तारा चोरट्यांनी चोरल्या .आश्चर्य म्हणजे याची कुठलीही तक्रार पोलीस ठाण्यात दाखल नाही. एरवी केवळ दोन महिने वीज बिल भरले नाही किंवा वीज चोरी असेल तर महावितरण तात्काळ दाखल घेते. मात्र पर्यायी मुख्य वीज वाहिनीच्या तारा चोरट्याने चोरल्यानंतर देखील याची तक्रार का दाखल झाली नाही? याची चौकशी होणे गरजेचे आहे. तसेच तक्रार दाखल न करण्यामागे महावितरणच्या अधिकाऱ्यांचे नेमके काय गौडबंगाल आहे हे देखील बाहेर येणे गरजेचे आहे. वीज ग्राहक संघटना वेळोवेळी ग्राहकांच्या समस्या महावितरण कडे मांडत असते त्यांनी देखील या चोरीची दखल घेऊन आवाज उठवणे गरजेचे आहे. कारण या चोरीमुळे शेवटी नुकसान हे वीज ग्राहकांचे होणार आहे. तसेच आठ वर्षांपूर्वी ही वीज वाहिनी उभारल्यानंतरही त्यावरून विद्युत पुरवठा का सुरू केला गेला नाही याची चौकशी होणे गरजेचे आहे. नाहीतर केवळ निधी खर्च करण्यासाठीच ही विजवाहिनी उभारली होती का? असा प्रश्न सर्वसामान्य करत आहे. पोलिसात तक्रार दाखल न झाल्यामुळे चोरट्यांचे मनोबल उंचावण्याची शक्यता निर्माण झाली असून भविष्यात महावितरण चे शिल्लक राहिलेले पोल सुद्धा चोरीला गेल्यास आश्चर्य वाटू नये.