🛑शैक्षणिक कर्ज व्याज परतावा योजनेसाठी मुलांना आवाहन.

🖋️लोकसंवाद /-सिंधुदुर्गनगरी.

जिल्ह्यातील ओबीसी प्रवर्गातील पात्र विद्यार्थी,विद्यार्थिनीकरिता ओबीसी महामंडळामार्फत शैक्षणिक कर्ज व्याज परतावा योजना सुरू करण्यात आली आहे.या योजनेंतर्गत राज्य व देशांतर्गत शैक्षणिक अभ्यासक्रमाकरिता रुपये १० लाखापर्यंतच्या कर्जावर व्याज परतावा व परदेशी शैक्षणिक अभ्यासक्रमांकरिता रुपये २०.लाखापर्यंतच्या कर्जावरील व्याज परतावा महामंडळामार्फत लाभार्थीस अदा करण्यात येणार आहे.जिल्ह्यातील १२ वीमध्ये ६० टक्के आधिक गुण असणाऱ्या आणि पदवी पदवीत्तर अभ्यासक्रमाकरिता पात्र असणाऱ्या लाभार्थीनी महामंडळाच्या शैक्षणिक कर्ज व्याज परता योजनेकरिता ऑनलाईन पद्धतीने अर्ज सादर करण्याचे आवाहन शामराव पेजे कोकण इतर मागासवर्ग आर्थिक विकास महामंडळाचे जिल्हा व्यवस्थापक प्रिती पटेल यांनी केले आहे.ही योजना पूर्णपणे ऑनलाईन असून ज्या उमेदवारांना शैक्षणिक कर्ज योजनेचा लाभघ्यावयाचा आहे.त्यांनी बँक कर्ज मंजुरी अगोदर महामंडळाच्याwww.msobefdc.org या संकेतस्थळावर अर्ज भरावयाचे आहेत.त्यासाठी अधिक माहितीसाठी जिल्हा कार्यालयाच्या पत्यावर अथवा महामंडळाच्या संकेतस्थळाला भेट द्यावी,कार्यालयाचा पत्ता शामराव पेजे कोकण इतर मागासवर्गीय वित्त आणि विकास महामंडळ मर्या., डॉ. बाबासाहेब आंबेडकर सामाजिक न्याय भवन,सिंधुदुर्गनगरी, ०२३६२ २२८११९ या दूरध्वनी क्रमांकावर संपर्क करावा.