🛑कोकण पर्यटनाला तंत्रज्ञानाची नवी दिशा: जागतिक पर्यटन दिनी विनामूल्य वेब पोर्टल सुरु.;विष्णू मोंडकर अध्यक्ष पर्यटन व्यावसायिक महासंघ

◼️कृत्रिम बुद्धिमत्ता (AI) आणि ‘डिजिटल अजेंडा’द्वारे पर्यटनाचा जोडणी साठी पर्यटन महासंघ प्रयत्नशील.

✒️लोकसंवाद /- मालवण.

जागतिक पर्यटन दिनाचे औचित्य साधून यंदा संयुक्त राष्ट्राच्या जागतिक पर्यटन संस्थेने “Digital Agenda and Artificial Intelligence to Redesign Tourism” (पर्यटनाचे स्वरूप बदलण्यासाठी डिजिटल अजेंडा आणि कृत्रिम बुद्धिमत्ता) ही मध्यवर्ती संकल्पना जाहीर केली आहे. या संकल्पनेला अनुसरून महाराष्ट्राची पर्यटन राजधानी असलेल्या सिंधुदुर्ग जिल्ह्यात आणि संपूर्ण कोकणात पर्यटनाचा चेहरामोहरा बदलण्यासाठी युतीसरकारच्या माध्यमातून धोरणात्मक उपक्रम राबवण्यास सुरुवात झाली आहे.
परदेशी व देशांतर्गत पर्यटकांना आकर्षित करण्याची क्षमता कोकणात असून
गेल्या काही काळात गोव्याकडे जाणाऱ्या परदेशी पर्यटकांचा ओघ कमी होत असून कोकणातील पर्यटन स्थळाकडे भेट देत आहेत. गोव्यालगतच असलेल्या कोकणात समृद्ध जैवविविधता, विस्तीर्ण किनारपट्टी, ऐतिहासिक मंदिरे व किल्ले, वैशिष्ट्यपूर्ण खाद्यसंस्कृती आणि समृद्ध जीवनशैलीचा वारसा आहे. त्यामुळे गोव्याला उत्तम आणि निसर्गरम्य पर्याय म्हणून कोकणाकडे पर्यटकांना वळवण्याची मोठी संधी निर्माण झाली आहे.
आजचा पर्यटक प्रवासाला निघण्यापूर्वीच मोबाईल, नकाशे, सोशल मीडिया आणि AI च्या साहाय्याने माहिती शोधतो, स्थळांची तुलना करतो आणि संपूर्ण प्रवासाचे नियोजन करतो. त्यामुळे कोकणातील पर्यटन व्यावसायिकांनी AI-साक्षर आणि डिजिटल होणे ही आता काळाची गरज बनली आहे.  आपला जिल्हा राज्यातील पहिला AI जिल्हा बनवून यां थीम वर नितेश राणे पालकमंत्री मत्स्य व बंदर विकास मंत्री यांनी अगोदर च प्रशासकीय पातळीवर काम सुरु झाले आहे
पर्यटन महासंघाचे यां जागतिक थीम नुसार
पर्यटन दिन विशेष उपक्रमाची सुरुवात म्हणून पर्यटन व्यावसायिक महासंघाच्या वतीने
https://vmtravelmart.in हे विशेष वेब पोर्टल सुरू करण्यात येत आहे.सिंधुदुर्ग जिल्ह्यातील २,००० पेक्षा जास्त हॉटेल, लॉजिंग, होमस्टे, ॲग्रो-टुरिझम आणि लॉजिंग-बोर्डिंग व्यावसायिकांना या पोर्टलवर एकत्र आणले जाणार आहे.
पर्यटकांसाठी मोफत माहिती यां पोर्टलच्या माध्यमातून देश-विदेशातील पर्यटकांना सिंधुदुर्ग व कोकणातील पर्यटन सेवांची, कल्चर, खाद्य संस्कृती माहिती एकाच ठिकाणी आणि विनामूल्य उपलब्ध होईल. पर्यटन व्यावसायिकांना या पोर्टलवर मोफत नोंदणी करता येईल. ज्या व्यावसायिकांना स्वतः ऑनलाइन नोंदणी करताना अडचण येत असेल, त्यांच्यासाठी पर्यटन महासंघाने विशेष सोय उपलब्ध केली आहे. व्यावसायिकांनी 82751 06375 या व्हॉट्सॲप नंबरवर आपल्या व्यवसायाचे नाव पाठवून मेसेज करावा. महासंघाचे प्रतिनिधी स्वतः संपर्क साधून नोंदणी पूर्णपणे मोफत करून देतील.कंटेंट क्रिएटर, इन्फ्लुएन्सर्स आणि AI ची भूमिका
कोकणातील अनेक लपलेली पर्यटनस्थळे मुंबई-पुण्यासह देशातील इतर पर्यटकांपर्यंत पोहोचवण्यात कंटेंट क्रिएटर्स, रील्स आणि युट्यूब व्हिडिओंनी मोठी भूमिका बजावली आहे. या डिजिटल उपक्रमांवर पर्यटन व्यावसायिक महासंघ काम करणार असून यां क्षेत्रातील संस्था व्यक्ती यांना येणाऱ्या काळात एकत्र केले जाणार असून स्थानिक होमस्टे, खाद्यव्यवसाय व लहान पर्यटन व्यावसायिकांना याचा फायदा होण्यासाठी नियोजन होणार आहे. केवळ प्रसिद्ध पर्यटनस्थळांचे डिजिटल प्रमोशन पुरेसे नसून मालवणी जेवणाचा स्वाद, दशावतार लोककला, आंबा-काजू बागा, पारंपरिक पद्धती आणि निसर्गाचे अनुभव AI च्या मदतीने विविध भाषांत मांडता येतील.
‘AI + स्थानिक ज्ञान’: AI च्या मदतीने स्थानिक युवक ‘डिजिटल टुरिझम गाईड’ म्हणून काम करू शकतात. AI हे मानवाची जागा घेण्यासाठी नसून काम अधिक वेगवान, अचूक आणि प्रभावी करण्यासाठी पर्यटन संचालन कोकण विभाग यांच्या समन्वय्याने पर्यटन व्यावसायिक महासंघ काम करणार आहे पर्यटनाचा विकास करताना निसर्गाचा समतोल राखणे अत्यंत महत्त्वाचे आहे. पर्यटन वाढवण्या बरोबर स्थानिक पायाभूत सुविधा, प्रशिक्षण, स्वच्छता, वाहतूक व्यवस्थापन, मार्गदर्शक प्रणाली आणि पर्यटन शिस्त निर्माण होण्यासाठी स्थानिक प्रशासन स्तरावर पर्यटन व्यावसायिक महासंघ काम करणार असल्याची माहिती विष्णू मोंडकर अध्यक्ष पर्यटन व्यवसायिक महासंघ यांनी दिली आहे.