🛑१५८ कोटींच्या कर्ली नदी संरक्षण प्रकल्पातून कर्ली किनाऱ्याला संरक्षणाची नवी दिशा!

◼️आमदार निलेशजी राणे यांच्या सातत्यपूर्ण पाठपुराव्याला मोठे यश; देवबाग–तारकर्ली पर्यटनाला चालना.

✒️लोकसंवाद /- मालवण.

कर्ली नदीच्या किनाऱ्याचे संरक्षण, धूप रोखणे आणि किनारपट्टीचे दीर्घकालीन व्यवस्थापन करण्याच्या दृष्टीने १५८ कोटी रुपयांचा कर्ली नदी संरक्षण प्रकल्प हा,कुडाळ–मालवण मतदारसंघा साठी महत्त्वाचा टप्पा ठरत आहे.आमदार मा. श्री. निलेशजी राणे यांच्या सातत्यपूर्ण पाठपुराव्यामुळे या महत्त्वाकांक्षी प्रकल्पासाठी मोठ्या प्रमाणावर निधी उपलब्ध झाला असून प्रत्यक्ष कामालाही गती मिळाली आहे.महाराष्ट्र सागरी महामंडळाच्या माध्यमातून आणि आशियाई विकास बँकेच्या अर्थसहाय्याने राबविण्यात येणाऱ्या या प्रकल्पामुळे कर्ली नदीकिनाऱ्याच्या संरक्षणाला नवी दिशा मिळत आहे.

◼️निलेश राणे यांच्या च्या पाठपुराव्याला यश!

कर्ली नदीच्या किनाऱ्याचे संरक्षण हा स्थानिक नागरिकांसाठी तसेच देवबाग–तारकर्लीच्या पर्यटनासाठी अत्यंत महत्त्वाचा विषय आहे. हा प्रश्न केवळ कागदावर न राहता प्रत्यक्ष मार्गी लागावा, यासाठी आमदार निलेशजी राणे यांनी सातत्याने पाठपुरावा केला.त्यांच्या पाठपुराव्यामुळे १५८ कोटी रुपयांच्या कर्ली नदी संरक्षण प्रकल्पाला निधी उपलब्ध होऊन प्रत्यक्ष कामाला सुरुवात झाली आहे.

विशेष म्हणजे देवबाग ते देवलीपर्यंतचे काम पूर्ण झाले असून पुढील टप्प्यातील काम सध्या व्यवस्थित सुरू आहे. त्यामुळे कर्ली नदीकिनाऱ्याच्या संरक्षणाच्या दिशेने प्रत्यक्ष कामाचा ठोस परिणाम दिसू लागला आहे.

हा केवळ निधीचा आकडा नाही,तर किनारपट्टीवरील नागरिकांच्या सुरक्षिततेशी आणि परिसराच्या भविष्यातील विकासाशी जोडलेला महत्त्वाचा प्रकल्प आहे.

◼️देवबाग–तारकर्ली पर्यटनाला मोठी चालना

कर्ली नदीचा परिसर हा केवळ स्थानिक नागरिकांच्या जीवनाशी जोडलेला नाही, तर देवबाग–तारकर्लीच्या पर्यटन अर्थव्यवस्थेचाही महत्त्वाचा भाग आहे.दरवर्षी मोठ्या संख्येने पर्यटक देवबाग, तारकर्ली आणि परिसरात येतात. या पर्यटनामुळे स्थानिक हॉटेल, होमस्टे, रेस्टॉरंट, जलक्रीडा, वाहतूक, छोटे व्यावसायिक तसेच विविध पर्यटनपूरक व्यवसायांना रोजगार आणि उत्पन्नाच्या संधी उपलब्ध होतात.कर्ली नदीकिनाऱ्याचे संरक्षण आणि सुयोग्य व्यवस्थापन झाल्यामुळे पर्यटकांसाठी परिसर अधिक सुरक्षित आणि सक्षम होण्यास मदत होईल. त्याचबरोबर स्थानिक व्यवसाय, रोजगार आणि पर्यटनाशी जोडलेल्या कुटुंबांनाही त्याचा फायदा होण्याची अपेक्षा आहे.

◼️किनारपट्टीवरील नागरिकांसाठीही महत्त्वाचा प्रकल्प

कर्ली नदीच्या किनाऱ्यावरील धूप आणि त्यातून निर्माण होणाऱ्या संभाव्य धोक्याचा विचार करता हा प्रकल्प स्थानिक नागरिकांच्या दृष्टीनेही अत्यंत महत्त्वाचा आहे.संरक्षक तट आणि किनारा संरक्षणाच्या कामामुळे नदीकिनाऱ्याची सुरक्षितता वाढण्यास मदत होणार असून, किनारपट्टीवर राहणाऱ्या नागरिकांच्या मालमत्ता, रस्ते आणि इतर पायाभूत सुविधांचे भविष्यातील संभाव्य नुकसान टाळण्यास मदत होऊ शकते.म्हणूनच हा प्रकल्प केवळ पर्यटनासाठी नसून स्थानिक नागरिकांच्या सुरक्षिततेसाठी आणि परिसराच्या दीर्घकालीन विकासासाठीही महत्त्वाचा आहे.

◼️दहा वर्षे विरुद्ध दीड-दोन वर्षांचा विकासाचा हिशोब!

कुडाळ–मालवण मतदारसंघात मागील अनेक वर्षे प्रतिनिधित्व करणाऱ्या माजी लोकप्रतिनिधींच्या कार्यकाळात या प्रश्नासाठी नेमका किती निधी उपलब्ध झाला, कोणती कामे मंजूर झाली आणि प्रत्यक्ष किती कामे पूर्ण झाली, हा प्रश्न आता जनतेसमोर येणे आवश्यक आहे.दहा वर्षे सत्ता आणि प्रतिनिधित्व मिळूनही कर्ली नदी संरक्षणासारखा महत्त्वाचा प्रश्न प्रलंबित राहिला; मात्र आमदार निलेशजी राणे साहेबांच्या कार्यकाळात या प्रश्नाला गती मिळून १५८ कोटी रुपयांचा निधी उपलब्ध झाला आणि प्रत्यक्ष काम सुरू झाले, हा फरक जनतेसमोर स्पष्टपणे मांडण्याची वेळ आली आहे.

माजी आमदार वैभव नाईक यांनी आपल्या दहा वर्षांच्या कार्यकाळात या परिसरासाठी किती निधी आणला, कर्ली नदी संरक्षणासाठी काय प्रयत्न केले आणि कोणती ठोस कामे पूर्ण करून दाखवली, याचा हिशोब जनतेसमोर मांडावा.

कारण केवळ राजकीय आरोप-प्रत्यारोप करून विकास होत नाही. निधी आणावा लागतो, पाठपुरावा करावा लागतो आणि काम प्रत्यक्ष जमिनीवर उतरवावे लागते.आज कर्ली नदी संरक्षणासाठी १५८ कोटींचा निधी आणि प्रत्यक्ष सुरू असलेले काम ही त्याचीच ठोस उदाहरणे आहेत.

◼️विकासाची भाषा आता आकडेवारीतून!

कुडाळ–मालवण मतदारसंघातील विकासाचा विचार करताना आता केवळ भाषणे किंवा आरोप-प्रत्यारोप न पाहता किती निधी मंजूर झाला, किती कामे सुरू झाली, किती कामे पूर्ण झाली आणि त्याचा नागरिकांना काय फायदा झाला, यावर चर्चा होणे गरजेचे आहे.

एका बाजूला मागील दहा वर्षांचा कार्यकाळ आणि दुसऱ्या बाजूला आमदार निलेशजी राणे साहेबांच्या कार्यकाळातील प्रत्यक्ष मंजूर होणारे आणि सुरू होणारे मोठे प्रकल्प—या दोन्हींची अधिकृत आकडेवारी जनतेसमोर आली तर जनतेला स्वतः तुलना करता येईल.दहा वर्षे नेमके काय केले? किती निधी आणला? किती मोठे प्रकल्प मार्गी लावले? किती कामे पूर्ण केली? या प्रश्नांची उत्तरे जनतेला मिळाली पाहिजेत.

आणि त्याचवेळी आमदार निलेशजी राणे साहेबांनी आपल्या सातत्यपूर्ण पाठपुराव्यातून किती निधी आणला आणि कोणती कामे प्रत्यक्ष मार्गी लावली, याचाही हिशोब जनतेसमोर असला पाहिजे.

◼️आरोपांपेक्षा काम बोलते!

राजकीय आरोप-प्रत्यारोप होत राहतील; मात्र विकासाचा खरा अर्थ जनतेच्या जीवनात झालेल्या बदलातून दिसतो.कर्ली नदी संरक्षणासाठी १५८ कोटींचा निधी, देवबाग ते देवलीपर्यंत पूर्ण झालेले काम आणि पुढील टप्प्यात सुरू असलेले काम हे कागदावरील आश्वासन नसून प्रत्यक्ष जमिनीवर दिसणाऱ्या विकासकामांचा भाग आहे.आमदार मा. श्री. निलेशजी राणे साहेबांच्या सातत्यपूर्ण पाठपुराव्यामुळे कर्ली नदी संरक्षणाचा प्रश्न मार्गी लागण्याच्या दिशेने पुढे सरकला आहे. यामुळे किनारपट्टीवरील नागरिकांना सुरक्षितता मिळण्यासोबतच देवबाग–तारकर्लीच्या पर्यटनाला आणि स्थानिक अर्थव्यवस्थेला बळ मिळण्याची अपेक्षा आहे.

आता उरलेले कामही दर्जेदार,पर्यावरणपूरक आणि वेळेत पूर्ण होणे महत्त्वाचे आहे.दहा वर्षे फक्त आश्वासनांची की प्रत्यक्ष कामांची?
हा फरक आता जनतेसमोर आकडेवारीतून आणि प्रत्यक्ष विकासकामांतून स्पष्ट होत आहे.आमदार निलेशजी राणे साहेबांनी पाठपुरावा केला… निधी आणला… आणि कर्ली नदी संरक्षणाचे काम प्रत्यक्षात सुरू करून दाखवले.