🛑कुडाळ न.प. च्या महिला व बालकल्याण समिती तर्फे तर्फे शालेय विद्यार्थीनींच्या सुविधेसाठी सॅनेटरी पॅड वेंडिंग मशीन उपलब्ध.

◼️महिला व बालकल्याण सभापती सौ आफरीन करोल यांची माहिती.

🖋️लोकसंवाद /- कुडाळ.

कुडाळ नगरपंचायत महिला व बालकल्याण समिती तर्फे तर्फे बॅरिस्टर नाथ पै विद्यालय कुडाळेश्वर वाडी येथील शालेय विद्यार्थीनींच्या सुविधेसाठी सॅनेटरी पॅड वेंडिंग मशीन उपलब्ध करून देण्यात आली.त्याचा हस्तांतरण सोहळा आज विद्यालयात पार पडला.यावेळी बॅरिस्टर नाथपै विद्यालयाच्या माजी मुख्याध्यापिका,ज्येष्ठ समाजसेविका,तसेच माजी नगरसेविका श्रीमती उषा आठले मॅडम यांच्या हस्ते सदर मशीनचे फीत कापून अनावरण करण्यात आले.आणि वेंडींग मशीन विद्यालयाकडे सुपूर्द करण्यात आली.

यावेळी महिला व बालकल्याण सभापती सौ आफरीन करोल ,नगराध्यक्ष प्राजक्ता बांदेकर- शिरवलकर,नगरसेविका संध्या तेरसे,नगरसेविका चांदणी कांबळी, नगरसेविका श्रेया गवंडे, महिला बालकल्याण विभाग प्रमुख सौ. निकीता आळवे, नगरपंचायत कर्मचारी, विद्यालयाचे शिक्षक वर्ग , विद्यार्थीनी आदि उपस्थित होते .
यावेळी महिला बालकल्याण समिती सभापती व आफरीन करोल म्हणाले की कुडाळ नगरपंचायत महिला बालकल्याण विभाग नेहमीच शहरातील महिलांसाठी विविध उपक्रम राबवत असते.शालेय विद्यार्थिनींचे आरोग्य सुदृढ व‌ निरोगी रहावे म्हणून त्यांच्या सुविधेसाठी सदर वेंडिंग मशीन कुडाळ नगरपंचायत महिला बालकल्याण विभागातर्फे विद्यार्थिनींना उपलब्ध करून देण्यात आलेली आहे.भविष्यात अशाच प्रकारे कुडाळ नगरपंचायत विद्यार्थी विद्यार्थिनीं च्या आरोग्य साठी विविध उपक्रम राबवेल अशी ग्वाही सौ करोल यांनी शाळा प्रशासनाला दिली.शाळा प्रशासनाने त्याबद्दल कुडाळ नगरपंचायत महिला बालकल्याण विभागाचे आभार मानले.