🛑बाळासाहेबांचा कट्टर शिवसैनिक बाळा पावसकर यांचा शाखाप्रमुख पदाचा राजीनामा..

✍🏼लोकसंवाद /- कुडाळ.

कुडाळ तालुक्यातील नेरूर येथील शिवसेना शाखाप्रमुख पदाचा बाळा पावसकर यांनी तडका फडकी राजीनामा दिला आहे.हा राजीनामा पत्र शिवसेना जिल्हाप्रमुख संजय पडते यांच्या जवळ दीला आहे.मागील जवळपास २५ वर्षाहून अधीक काळ शिवसेना पक्षाचा सच्चा कार्यकर्ता म्हणून पक्षाप्रती प्रामाणिक आणि निष्ठापूर्वक केलेल्या माझ्या कामाची दखल घेऊन सन २०१५ साली शिवसेना (उबाठा) पक्षाच्या नेरुर, या शाखेच्या शाखाप्रमुखपदाची जबाबदारी पक्षाकडून मला देण्यात आली. या कालावधीत पक्षाचे कार्यकर्ते, सहकारी, पदाधिकारी यांनी माझ्यावर विश्वास दाखवून माझ्याकडून पक्षवाढीसाठी, पक्ष संघटीत करण्यासाठी, पक्षाला पडत्या काळात उभारी मिळवून देण्यासाठी माझ्याकडून शक्य ते प्रयत्न करवून घेतले. शिवसैनीक म्हणून काम करताना डोळयासमोर फक्त भगवा झेंडा आणि भगव्याला चैतन्य देणारी प्रतिमा याचाच सदैव विचार केला. परंतू काळाच्या ओघात आता पक्षाशी काहीच देणेघेणे नसलेली, पक्षाप्रती आत्मीयता नसलेली मंडळी आपल्या पक्षात येऊ लागली आहेत. त्यांच्यापुढे माझ्यासारख्या सामान्य कार्यकर्त्याला काहीच महत्व नसल्यासारखी वागणूक मिळत आहे. पक्षाच्या शाखे अंतर्गत ध्येयधोरणात, कार्यक्रमांमध्ये अशांना झुकते माप दिले जात असून मला साधे विश्वासातही घेतले जात नसल्याचे प्रकर्षाने जाणवते.त्यामुळे आजमितीपर्यंत वैयक्तिक स्वार्थ न ठेवता पक्षाचे काम करणा-या माझ्या सारख्या कार्यकर्त्याला फक्त मिरवण्यापुरते शाखाप्रमुखपद नको.त्यामुळे मला कोणत्याही विषयात विश्वासात न घेता सतत डावलले जातेयामुळेच मी माझ्या नेरुर शाखाप्रमुखपदाचा राजिनामा स्वेच्छेने स्वतःहून आपल्याकडे सादर करीत आहेअसे राजीनामा पत्रात नमूद केले आहे.