🛑सावंतवाडी तालुका भंडारी मंडळा वतीने आयोजित ‘विद्यार्थी गुणगौरव’ सोहळ्याला उत्स्फूर्त प्रतिसाद.

✒️लोकसंवाद /- सावंतवाडी.

सावंतवाडी तालुका भंडारी मंडळाच्या वतीने गुणवंत विद्यार्थी,समाजाचे नवनिर्वाचित जि प सदस्य,पं.समिती सदस्य,सरपंच यांचे सन्मान भंडारीरत्न डॉ.प्रा.दिनेश नागवेकर यांचा सन्मान करण्यासाठी येथील शहा सभागृहात आयोजित केलेल्या ‘गुणगौरव २०२६’ हा कार्यक्रम जिल्हा परिषद सदस्य सुदन उर्फ सुधा कवठणकर यांच्या अध्यक्षतेखालि उत्साहात संपन्न झाली.

यावेळी अध्यक्ष सुदन कवठणकर यांनी उपस्थित सर्व लोकप्रतिनिधींनी आपल्या समाजाच्या उन्नतीसाठी एकजुटीने काम करण्याचे आवाहन केले व आपणही कायमच भंडारी समाजाच्या उन्नतीसाठी सर्वतोपरी योगदान देण्याचे अभिवचन उपस्थित ज्ञातिबांधवांसमोर दिले.तसेच आजपर्यंत आपले सत्कार अनेक झाले पण ज्ञातिबांधवां नी केलेला सन्मान मोठा असल्याचे सांगितले.

यावेळी इयत्ता दहावी मधून सर्व ज्ञाती बांधवांमधून प्रथम आलेल्या कु.भार्गवी अंकुश शेटावे (१००%) व भंडारी समाजातील तालुक्यातून प्रथम आलेल्या कु. साक्षी भूषण गवंडी (९४%) यांचा अध्यक्ष सुदन कवठणकर यांच्या हस्ते सन्मानित करण्यात आले.

तसेच दहावीमध्ये ७० टक्के, बारावीमध्ये ६० टक्के तसेच पदवी (ग्रॅज्युएशन) परीक्षेत ६० टक्के किंवा त्यापेक्षा अधिक गुण मिळविणाऱ्या गुणवंत विद्यार्थ्यांचा विशेष गौरव यावेळी सर्व मान्यवरांच्या हस्ते करण्यात आला.

तसेच सरपंच,पं.समिती सदस्य आणि जि परिषद सदस्यांचा देखील विशेष सत्कार मान्यवरांच्या हस्ते करण्यात आला.

या कार्यक्रमाला समाजबांधवांनी व विद्यार्थ्यांनी मोठ्या संख्येने उपस्थित राहून गुणवंतांचा उत्साह वाढवला.कार्यक्रमाचे सूत्रसंचालन संजय पिळणकर,विकी केरकर, श्रीम प्रतिभा कांबळी,संतोष वैज तर आभार बाळा आकेरकर यांनी मानले.