🛑मतदार यादीतील मागास वर्गीय वस्तीचे जातीवाचक नाव रद्द करा.;माजी सरपंच पी. के. चौकेकर

✒️लोकसंवाद /- मालवण.

मतदार यादीतील मागास वर्गीय वस्तीचे जातीवाचक नाव रद्द करण्यात यावित अशी मागणी चौके माजी सरपंच पी. के. चौकेकर यांनी मालवण तहसीलदार तथा सहाय्यक मतदार नोंदणी अधिकारी यांच्याकडे निवेदनाद्वारे केली आहे.

सध्या भारत निवडणूक आयोगाच्या आदेशानुसार मतदार यादी तील नोंदी पडताळणीचे काम सुरू आहे. मतदान केंद्र निहाय बीएलओ कडून प्राप्त झालेल्या फॉर्ममध्ये कुडाळ मतदार संघातील मालवण तालुक्यातील चौके गावातील बुथ क्रमांक ८८ मध्ये मागासवर्गीय वस्तीचा समावेश आहे त्यामध्ये हरिजन वाडी अशी जातीवाचक नोंद आहे सदर जातिवाचक नोंदी रद्द करून *सम्यक नगर* अशी सुधारित नोंद करण्यात यावी अशी मागणी चौके माजी सरपंच पी. के. चौकेकर यांनी मालवण तहसीलदार यांच्याकडे करून निवेदनाची प्रत जिल्हाधिकारी सिंधुदुर्ग यांना पाठवली आहे.
गेल्या वर्षी संविधानिक हितकारणी महासंघाच्या मागणी नुसार जिल्ह्याचे पालकमंत्री ना. नितेश राणे यांनी वंचित घटकांसाठी आयोजित केलेल्या जनता दरबारात सिंधुदुर्ग जिल्ह्यातील मागासवर्गीय वस्त्यांची जातीवाचक नाव त्यांच्या मागणीप्रमाणे बदलून देण्याचे निर्देश जिल्हाधिकारी यांना देण्यात आले होते.. त्यानुसार ज्या गावातील वस्त्यांचे नावं बदलण्यासाठी प्रस्ताव पाठविण्यात आले त्यांची नावे नावे बदलली मात्र चौके ग्रामपंचायतीच्या वतीने ग्रामसभेतील ठराव आणि पत्र गेल्या वर्षी देण्यात आले होते परंतु त्यानुसार कार्यवाही झाली नाही..चौके अंगणवाडीचे नाव सम्यकनगर असे गटविकास अधिकारी मालवण यांच्या आदेशानुसार झाले आहे मात्र महसूल खात्याने मतदार यादीतील जाती वाचक नाव बदले नाही आणि सध्या मतदार पडताळणीचे काम चालू आहे यावेळी नावात बदल करण्यात यावा अशी मागणी माजी सरपंच पी. के. चौकेकर यांनी केली आहे.