🛑सामाजिक कार्यकर्ते राजेंद्र पेडणेकर,व्यापारी संजय मालंडकर यांनी घेतली जिल्हाधिकारी यांची भेट.

✒️लोकसंवाद /- ओरोस.

दिनांक 20.07.2026 रोजी अप्पासाहेब पटवर्धन चौक येथील नगरपंचायती च्या मालकीच्या जागेतील जेष्ठ व्यापारी व सामाजिक कार्यकर्ते श्री राजेंद्र मनोहर पेडणेकर यांनी समाज सेवक संजय मालंडकर यांच्या उपस्थितीत जिल्हाधिकारी तृप्ती धोडमिसे यांची भेट घेतली.यावेळी इमारती संदर्भात सविस्तर चर्चा सुध्दा केली आणि इमारती व जागे संदर्भात जिल्हाधिकारी यांनी सविस्तर माहिती जाणून घेतली.यावेळी मागिल भेटी दरम्यान सांगितले प्रमाणे इमारती मधील, तसेच सर्व खोके धारकांची तपशीलवार माहितीची फाईल सादर करण्यात आली आणि निवेदन देण्यात आले.

निवेदनात असे म्हटले आहे, की कणकवली अप्पासाहेब पटवर्धन चौक येथे असलेले नगरपंचायत मालकीचे व्यापारी मार्केट ( पुर्वी चे भाजी मार्केट) मधील स्लॅब ची इमारत पूर्णतः कोसळण्याच्या मार्गावर असून, पहिल्या मजल्यावरील भिंती, छप्पर सुध्दा कोसळून पडले आहे.तसेच एका बाजूने स्लॅब सुध्दा कोसळला असून, इमारत धोकादायक बनली आहे, या मध्ये एकुण 13 + पहिल्या मजल्यावर 3 + 1 पत्रा शेड असे एकूण 17 गाळे धारक आहेत.

त्याचप्रमाणे 36 खोके धारक असून या सर्वांची नगरपंचायत मध्ये नोंद असून सर्व वेळोवेळी भाडे भरणा करत आहेत.त्याचप्रमाणे 10/15 वर्षे येथील गाळे भाड्याने घेऊन, जे 15/16 वर्षे व्यवसाय करत आहेत , त्यांचा ही विचार केला जावा तरी आपणास विनंती आहे की आपण प्रत्यक्षात पाहणी करावी लवकरात लवकर या जागेवर नवीन व्यापारी संकुलण उभारणी करावे आणि आम्हाला नवीन व्यापारी संकुलना मध्ये समाविष्ट करून घ्यावे असे सांगण्यात आले.