🛑 न्यू लाईफ ग्रेस मिनिस्ट्रीज च्या वतीने वृक्षारोपण उपक्रमाची सुरुवात.

✒️लोकसंवाद /- ओरोस.

ओरोस येथील न्यू लाईफ ग्रेस मिनिस्ट्रीज च्या वतीने 9 जुलै रोजी सियोन गड परीसरात वृक्षारोपण उपक्रमाची सुरुवात सिंधुदुर्ग जिल्ह्याचे उपजिल्हाधिकारी माननीय श्री. विजय सहारे (जिल्हा पुरवठा विभाग)व अन्य मान्यवरांच्या हस्ते वृक्षारोपण करून कारण्यात आली.यावषी संस्येच्या वतीने जिल्हयात एक हजार झाडे लावण्याचा संकल्प करण्यात आलेलाआहे. याची सुरुवाता येथील सियोन गड परीसारात वृक्षारोपण करून करण्यात आली.

यावेळी श्री.सहारे यांच्या समवेत त्यांचे स्टाफ सहकारी उपस्थित होते . जि . प . सदस्या सुप्रिया वालावलकर, पंचायत समिती सदस्य अमित भोगले, ओरोस ग्रामपंचायत उपसरपंच श्री.अमोल मालवणकर, गावाचे माजी पोलीस पाटील भगवान कदम व संस्थेचे अध्यक्ष व पदाधिकाऱ्यांच्या उपस्थितीमध्ये सदर वृक्षारोपण उपक्रमाचं उद्घाटन आणि सुरुवात करण्यात आली . झाडे लावा झाडे जगवा या शासनाच्या उपक्रमाभीमूख ट्रस्ट च्या वतीने वृक्षारोपण उपक्रम हाती घेण्यात आला आहे. यावेळी सुमारे 100 झाडांचं कलमांचा वाटप करण्यात आलं . तसेच माननीय उपजिल्हाधिकारी श्री सहारे व अन्य सहकारी यांच्या हस्ते वृक्षारोपण करण्यात आलं.
तसेच माननीय जिल्हा परिषद सदस्य सुप्रिया वालावलकर, पंचायत समिती सदस्य श्री. अमित भोगले व ओरोस ग्रामपंचायत उपसरपंच श्री. अमोल मालवणकर यांच्या हस्ते सुद्धा वृक्षारोपण करण्यात आलं .
तसेच मा. उपजिल्हाधिकारी व जिल्हा परिषद सदस्य सौ .सुप्रिया वालावलकर यांनी झाडे लावा, झाडे जगवा हा संदेश देऊन जनजागृती केली. सदर उपक्रम संस्थेच्या इमारतीमध्ये पार पडला.सूत्रसंचालन श्री. राजन भगत व आभार प्रदर्शन श्री. साळुंखे यांनी केले.
यावेळी संस्थेचे पदाधिकारी,स्थानिक ग्रामस्थ व संस्थेचे सदस्य मोठ्या संख्येने उपस्थित होते.