🛑मळगाव हायस्कूलच्या १९८२/८३ च्या बॅचकडून वृक्षारोपण कार्यक्रम संपन्न..

✒️लोकसंवाद /- सावंतवाडी.

श्री भूतनाथ मंदीर, मळगाव येथे मळगाव इंग्लिश स्कूल, मळगाव च्या माजी विद्यार्थ्यांनी (बॅच १९८२/८३) वृक्षारोपणाद्वारे पर्यावरण संवर्धनाचा संदेश दिला. SSC नंतर तब्बल ४३ वर्षानंतर एकत्र आलेल्या माजी विद्यार्थ्यांनी दि. १३ जून २०२६ रोजी नरेंद्र डोंगराच्या पायथ्याशी असलेल्या ग्रामदैवत श्री भूतनाथ मंदिराच्या निसर्गरम्य परिसरात १०नारळ रोपे, २५ सुपारी रोपे, २ सोनचाफे अशी रोपे लावून पर्यावरण संवर्धन व निसर्ग संरक्षणाचा अनोखा संदेश सर्वांना दिला. सेवानिवृत्त प्राध्यापक डॉ. शरद शिरोडकर, सेवानिवृत्त मुख्याध्यापक श्री. गोविंद मोर्ये, सेवानिवृत्त मुख्याध्यापिका सौ. नूतन बांदेकर यांच्या कल्पनेतून साकार झालेला हा समाजोपयोगी उपक्रम म्हणजे समाजासमोर एक उत्तम उदाहरण आहे. शाळा, गाव आणि समाज यांचे आपण देणे लागतो या विचारातून हे विधायक कार्य हाती घेण्यात आले, असे प्रतिपादन डॉ. शरद शिरोडकर यांनी केले. त्यांच्या सोबत त्यांचे सर्व वर्गमित्रमैत्रिणींनी यात आपला सहभाग उत्स्फूर्तपणे नोंदवला.

सदर वृक्षरोपणास मळगांव गावचे देवस्थानचे पदाधिकारी श्रीधर गावकर, काका गांवकर, गुरु गावकर , महेश गांवकर तसेच उदय सावळ, दिलीप खडपकर,भरत जाधव तसेच शरद शिरोडकर, गोविंद मोर्ये, नूतन बांदेकर, सुनील गाड,रवींद्र माळकर, मानवेल डिसोजा, विजय हरमलकर, विश्वनाथ राऊळ, संजय धुरी ,रामदास पांगम, शोभा कुडव हे उपस्थित होते. तसेच आर्थिक सहकार्य करणारे दिगंबर शेटकर, रवी मांजरेकर, रवींद्र मळगावकर, सुमन खडपकर, सुहासिनी सावंत, उषा राऊळ, नयन परब ,रामा जाधव ,रवींद्र प्रभू ,मंदा नाईक, प्रशांत राऊळ, लक्ष्मण राऊळ, छाया नार्वेकर, शकुंतला नाईक, आरती नार्वेकर यांचे सहकार्य लाभले.याप्रसंगी गुरू गावकर यांनी सदर विधायक कार्याबद्दल सर्वांचे कौतुक करत हा आदर्श इतर आजी माजी विद्यार्थ्यांनी घ्यावा, असे सांगितले