🛑सामान्य नागरिक गॅसवर सामाजिक कार्यकर्ते राजेंद्र पेडणेकर यांनी मांडली वस्तूस्थिती..

✒️लोकसंवाद /- कणकवली.

सामान्य नागरिक आज गॅस वेळेवर मिळत नसल्याने हैराण झालेला असून, गॅस बुकिंग करून सुध्दा सिलिंडर घरपोच कधी मिळेल याची शाश्वती त्यांना नाही.घरपोच मिळण्याचे पैसे देऊन सुध्दा गॅस कार्यालयात तासनतास लाइन मध्ये ऊभे राहून सिलिंडर वाहनासाठी जादा पैसे खर्च करून घरी आणा लागतोय…आधीच सामान्य नागरिकांचे कंबरडे मोडले आहे. आणि त्यात अती महागाईने हैराण झालेला आहेत.पुर्वी प्रत्येक गॅस धारकांना वर्षा ला 15 सिलिंडर घरपोच पोच मिळत होते,आज नव्या नियमानुसार 25 दिवसानंतर नविन बुकिंग करता येते, पण हिशोबाने त्याला नंबर येई पर्यंत 30 दिवस होतात, त्यानंतर आठवड्याने गाडी घरपोच पोच आली तर ठीक नाहीतर चलो गॅस एजन्सी, या हिशोबाने सामान्य नागरिकांना वर्षाला 9 सिलिंडर पण मिळणे अशक्य आहे.

गावातील नागरिकांना 45 दिवसानंतर नवीन बुकिंग म्हणजे खेडे गावातील लोक जेवण करत नाहीत?, एक तर जंगलतोड लागू आहे, मग त्यांनी जगायच नाही का? आता म्हणाल गॅस तुटवडा आहे, पण अनुभवले ली वस्तूस्थिती अशी आहे की काळ्या बाजारात घरगुती सिलिंडर 2200 रूपये आणि व्यावसायिक सिलिंडर 3200 रूपये अगदी बिनधास्तपणे विकला जातोय, हे सिलिंडर पाहिजे तेवढे मिळतात, मग सिलिंडर तुटवडा कसा म्हणता येईल.

सिलिंडर तुटवड्या च्या नावाखाली काळाबाजार चालत असेल तर मग पुर्वी प्रमाणेच गॅस कार्ड धारकांना वर्षाला 15 सिलिंडर मिळाले पाहिजेत, आणि हॉटेल व्यावसायिकांना सरकारी भावाने जोपर्यंत सिलिंडर मिळणार नाहीत, तो पर्यंत तो तरी काय करू शकणार नाही.

संबंधित प्रशासकीय अधिकारी वर्गाने वेळी च लक्ष द्यावे ,आणि सामान्य कामगार नागरिकांना दिलासा द्यावा अशी मागणी आपल्या प्रसिद्धी पत्रकाच्या माध्यमातून कणकवली येथील सामाजिक कार्यकर्ते राजेंद्र मनोहर पेडणेकर यांनी केली आहे.