🛑पाट हायस्कूल मध्ये भीत्ती चित्राच्या माध्यमातून जलसंरक्षण संदेश..

✒️लोकसंवाद /- कुडाळ.

यावर्षी पाण्याचा दुष्काळ पाहता जनजागृतीसाठी विविध उपाय योजना शासनाकडून राबविण्यात येत आहे .यामध्ये पाटबंधारे त्याचप्रमाणे जलस्तोत्रांचे सफाई करण सुरू आहे . यामध्ये पाट हायस्कूलच्या विद्यार्थिनीने पाणी बचतीचे संदेश देणारे फलक रंगविले आहेत .कुमारी दूर्वा म्हैसकर, भक्ती तेली कोचरेकर , धनिषा परब ,मृणाली पाटकर या विद्यार्थिनींचा विशेष सहभाग होता.

पाणी ही पृथ्वीवरील सर्वात महत्त्वाची संपत्ती आहे .सजीव सृष्टीची उत्पत्ती पाण्यामुळेच झाली सजीवांच्या जीवनात प्राणवायू नंतर पाण्याचा क्रम लागतो म्हणूनच पाण्याला जीवन असे म्हटले आहे . पाणी हा नैसर्गिक स्त्रोत असला तरी त्याचे असमान वितरण वाटप आणि वाढते मागणी यामुळे पाण्याचे प्रश्न उद्भवत आहेत . यावर्षी अल नीनो च्या प्रभावामुळे पावसाचे प्रमाण कमी झाले आणि शासन स्तरावर सगळीकडे पाणी अडवण्याची धडपड सुरू झाली .या विषयाची सर्व विद्यार्थ्यांमध्ये जागृती व्हावी म्हणून विद्यालयाच्या पाणी फिल्टर च्या शेजारीच विविध भित्तीचित्र रंगून लक्ष वेधून घेतील असे संदेश त्यामध्ये विद्यार्थिनी तयार केलेले आहेत .या मुलांचे कौतुक मुख्याध्यापक सयाजी बोंदर सर ,पर्यवेक्षिका अंकिता मोडक , कला शिक्षक संदीप साळस्कर त्याचप्रमाणे सर्व संस्था चालकांनी केले.