🛑माहेरहून पैसे आणत नाही म्हणून छळ करुन आत्महत्येस प्रवृत्त केल्याच्या आरोपातून निर्दोष मुक्तता..

✒️लोकसंवाद / सिंधुदुर्ग.

आरोपी रोहन शरद सावंत, रा. रेडी सुकळभाट याने आपली पत्ती सौ. रुणा रोहन सावंतही माहेरुन पैसे घेऊन येत नाही या कारणास्तव तिचा शारिरिक व मानसिक त्रास केलयाने तिने सदर जाचास कंटाळून समुद्रात उडी घेऊन आत्महत्या केली म्हणून आरोपी विरुद्ध भा. द. वि. कलम ३०४ब, ३०६ व ४९८अ नुसार वेंगुर्ले पोलीसांनी गुन्हा दाखल केला. त्या गुन्ह्यातून जिल्हा व सत्र न्यायाधीश श्रीम. व्ही. एस. देशमुख यांनी आरोपीची सबळ पुराव्याअभावी निर्दोष मुक्तता केली. आरोपीतर्फे अॅड. अजित भणगे, अॅड. मिहीर भणगे, अॅड. स्वप्ना सामंत, अॅड. सुनिल मालवणकर, यांनी काम पाहिले.

यातील हकीगत अशी की, सुबोध सुरेश वराडकर यांनी वेंगुर्ले पोलीस स्टेशनला सन २०१९ मध्ये अशी फिर्याद दिली की, त्याची बहिण सुवर्णा हिचे लग्म रेडी सुकळभाट येथील रोहन शरद सावंत याच्याशी ५ वर्षापूर्वी झालेले होते. त्या लग्मापासून त्यांना ४ वर्षाची जुळे मुले होती. लग्मानंतर बहिणीचे नाव रुणा असे ठेवण्यात आले. ती नगररचनाकार, सिंधुदुर्ग येथे नोकरी करीत होती. तिला व्यवस्थित पगार मिळत नसल्यामुळे तिने नोकरी सोडली. मात्र ज्यावेळी ती माहेरी येत असे त्यावेळी तिची नाराजी पाहून तिला विचारले असता तिचा नवरा घर खर्चासाठी पैसे मागतो व मारहाण करुन शारिरिक व मानसिक त्रास देतो असे सांगत असे. माहेरहून तिला पैसे दिल्यानंतर तिचा नवरा तिला घरी घेऊन जात असे. जानेवारी २०१९ मध्ये ७ ते ८ वेळा ती माहेरी आलेली होती व पैशाच्या कारणावरुन तिचा नवरा त्रास देत असल्याचे सांगत होती. दिनांक ०९.०३.२०१९ रोजी रात्रौ ९.३० वाजता फिर्यादीच्या आईने फिर्यादिस कळविले की आरोपी हा रुणा हिस मारहाण करीत आहे. फिर्यादी याने आरोपी रोहन यास फोन केला त्यावेळी तो रुणा हिस मारहाण करीत होता व घरातून निघून जाण्यास सांगत होता. दिनांक १०.०३.२०१९ रोजी रुणा हिने रेडी येथील समुद्रात उडी मारुन आपले आयुष्य संपविल्याचे व फिर्यादीचे बहिणीचे प्रेत वाळूवर सापडल्याचे त्याला समजले. म्हणून फिर्यादी सुबोध याने प्रत्यक्ष जागेवर जाऊन बहिणीचे प्रेत पाहिले असता तिच्या अंगावर मारहाणीच्या खुणा दिसून आल्या, म्हणून त्याने फिर्याद दिली व आरोपीविरुद्ध गुन्हा दाखल झाला. याकामी फिर्यादी पक्षाने एकूण ६ साक्षीदार तपासाले. त्यात स्वतः फिर्यादी सुबोध वराडकर, पंच साक्षीदार डॉ. अभिजीत चितारी व तपासी अंमलदार यांच्या साक्षी नोंदविण्यात आल्या.

आरोपी यांच्या बचावानुसार मयत रुणा हिस लग्मापूर्वी व लग्मानंतर स्वभावदोष होता व त्यासाठी मानसोपचार तज्ञ डॉ. मेघदूत (कौस्तुभ) लेले यांची ट्रीटमेंट चालू होती. एवढेच नव्हेतर कुडाळ येथील प्रसिद्ध मानसोपचार तज्ञ डॉ. रुपेश धुरी यांनीही तिच्यावर औषधोपचार

कैलेला होता. डॉ. लेले यांची तिच्या गरोदरपणात व तद्नंतर ट्रीटमेंट चालू होती. आरोपीतर्फे फिर्यादी सुबोध वराडकर व आरोपीची पत्ती रुणा हिचे स्टेट बँक ऑफ इंडियामध्ये असलेल्या बँक खात्यातील उतारे हजर करण्यात आले. त्यावरुन आरोपी हा मयतीच्या खात्यात पैसे जमा करीत असल्याचे निदर्शनास येत होते. विशेष म्हणजे, मयत रुणा हिच्या नावावर असलेल्या गाडीचे हफ्ते भरण्यासाठी आरोपी हा तिच्या खात्यात वेळोवेळी पैसे जमा करीत असे. यावरुन तिचा पैशासाठी छळ होत होता, असे सिद्ध होत नाही. डॉ. चितारी यांनी आपल्या जबाबात तिच्या अंगावर असलेल्या जखमा या तिने ज्यावेळी समुद्रात उडी टाकली त्यावेळी खाडीमध्ये असलेल्या खडकांमुळे अशा जखमा होऊ शकतात, असे स्पष्टपणे कबूल केले. याचा विचार करुन जिल्हा व सत्र न्यायाधीश श्रीम. व्ही. एस. देशमुख यांनी आरोपीची सबळ पुराव्याअभावी निर्दोष मुक्तता केली. आरोपीतर्फे अॅड. अजित भणगे, अॅड. मिहीर भणगे, अॅड. स्वप्ना सामंत, अॅड. सुनिल