🛑जिल्ह्यात धान्य पुरवठा उशिरा.;शालेय पोषण आहारात अडचणी.

🖋️लोकसंवाद /- समिल जळवी,सिंधुदुर्ग.

सिंधुदुर्ग जिल्ह्यतील प्राथमिक शाळांमधील विद्यार्थ्यांना मिळणाऱ्या पोषण आहारामध्ये स्थानिक पातळीवर आहाराचा विचार केला जात नसल्याची तक्रार ही पालक वर्ग, सामाजिक कार्यकर्ते यांच्याकडून करण्यात येत आहे.जिल्ह्यातील प्राथमिक शाळांना पंतप्रधान पोषण आहार योजनेअंतर्गत वेळेवर धान्याचा पुरवठा होत नसल्याने शाळांना वेगवेगळ्या अडचणींचा सामोरे जावे लागत आहे.त्यामुळे सध्या विद्यार्थ्यांना पूर्वीप्रमाणे भात व आमटी असा आहार देण्यात येत आहे.मात्र, स्थानिक पातळीवरील विविध पदार्थांचा समावेश न केल्याने विद्यार्थ्यांचे योग्य पोषण होऊ शकत नाही,अशी नाराजी विद्यार्थी, पालक वर्ग यांच्याकडून व्यक्त करण्यात आली आहे.

तसेच या योजनेशी संबंधित नोंदी व ऑनलाइन माहिती भरण्याचे अतिरिक्त काम सिंधुदुर्ग जिल्ह्यातील प्राथमिक शिक्षकांवर टाकण्यात आल्याने त्यांना अध्यापनासोबत इतर कामांत गुंतावे लागत आहे.आणि दररोजचे शासनाचे बदलते धोरण पाहता परिणामी विद्यार्थ्यांचे शैक्षणिक नुकसान होत असल्याचे नमूद करण्यात आले आहे.

स्थानिक पातळीवरील आहार पद्धतीनुसार शालेय पोषण आहाराचे मेनू देण्यात यावेत व शिक्षकांवरील प्रशासकीय कामाचा भार कमी करावा,जेणेकरून प्राथमिक शिक्षकांना शासनाची ईतर कामे कमी होवून शाळेतील मुलांना शिकवणी साठी जास्त वेळ देता येईल अशी मागणी करण्यात आली आहे.