🛑परबवाडा,पालकरवाडी ग्रामपंचायतीचा स्मार्ट ग्राम पुरस्काराने सन्मानित..

🖋️लोकसंवाद /- वेंगुर्ला.

शासनामार्फत राबविण्यात असलेल्या व पंचायत समिती वेंगुर्ला मार्फत घेण्यात आलेल्या स्मार्ट ग्रामपंचायत स्पर्धेमध्ये (2023-24) परबवाडा व पालकरवाडी या दोन
ग्रामपंचायतीला स्मार्ट ग्रामपंचायत पुरस्कार प्राप्त झाला आहे. सिद्धिविनायक हॉल येथे झालेल्या तालुकास्तरीय कार्यशाळेत प्रत्येकी रोख रक्कम 5 लाख रुपये बक्षीस व सन्मानपत्र, शाल व श्रीफळ स्वरूपात पंचायत समितीचे गटविकास अधिकारी वासुदेव नाईक यांच्या हस्ते ग्रामपंचायत चा सन्मान करण्यात आला. यावेळी सरपंच शमिका बांदेकर, उपसरपंच विष्णू उर्फ पप्पू परब, ग्रामपंचायत अधिकारी प्रवीण नेमण, ग्राम. सदस्य संतोष सावंत, हेमंत गावडे, कार्तिकी पवार, स्वरा देसाई, अरुणा गवंडे, सुहिता हळदणकर, ग्राम रोजगार सेविका प्राची पवार, ग्रामपंचायत कर्मचारी व ग्रामस्थ. तसेच पालकरवाडी सरपंच बंड्या पाटील, उपसरपंच नंदिता शेर्लेकर, सदस्य दिपक मोहिते, विकास अणसुरकर, संगीता परब, दर्शना पालकर, यशवंत कापडी आदी
.उपस्थित होते. हा पुरस्कार सर्व ग्रामस्थांच्या सहकार्यामुळे प्राप्त झाल्याबद्दल ग्रामपंचायतच्या वतीने सर्वांचे आभार मानण्यात आले.

वेंगुर्ले : ग्रामपंचायत ला स्मार्ट ग्राम पुरस्कार प्रदान करताना बिडीओ वासुदेव नाईक, सोबत अन्य