🛑मुले रमली शेतीच्या बांधावर!मुणगे हायस्कूलचा ‘बांधावरची शाळा’ उपक्रम.

🖋️लोकसंवाद /- झुंजार पेडणेकर,मसुरे.

शिक्षण हे केवळ वर्गात बसून होणार नाही तर निसर्गाच्या सान्निध्यात घडणारे असेल तर विद्यार्थ्यांच्या मनावर त्याचा खोलवर परिणाम होतो. या उद्देशाने देवगड तालुक्यातील श्री भगवती हायस्कूल मुणगे येथे कृषिदिना निमित्त ‘बांधावरची शाळा’ हा आगळा वेगळा उपक्रम राबविण्यात आला.
या उपक्रमाअंतर्गत विद्यार्थ्यांना शालेय अभ्यासक्रमातील शेती विषयक धडे थेट निसर्गाच्या सान्निध्यात – म्हणजेच शाळेच्या शेजारच्या शेतात नेऊन  शिकविण्यात आले. यामध्ये नांगरणी, लावणी, खत मात्रा, कशी करावी याबाबत मार्गदर्शन करण्यात आले.

विध्यार्थ्यानी ही मोठ्या उत्साहाने सहभाग  घेतला. उपक्रमानंतर घेतलेल्या अभिप्रायातून प्रशाळेच्या मुख्याध्यापिका मोनिका कुंज यांनी “बांधावरची शाळा” ही अनुभवात्मक शिक्षणाची प्रभावी पद्धत असल्याचे नमूद केले. यावेळी गौरी तवटे, हरिदास महाले, प्रसाद बागवे, रश्मी कुमठेकर,नामदेव बागवे, स्वप्नील कांदळगावकर, सुविधा बोरकर, मनोज मुणगेकर आदी उपस्थित होते.यावेळी ग्रामस्थ पुरुषोत्तम सावंत, रवी सावंत, पूनम सावंत आदींचे सहकार्य लाभले.