🛑वेतोरे येथील रक्तदान शिबिराला उत्स्फूर्त प्रतिसाद.

🖋️लोकसंवाद /- वेंगुर्ला.

वेतोरे मित्र मंडळाच्या वतीने साई योगेश्वरी मंगल कार्यालय वेतोरे येथे भव्य रक्तदान शिबिराचे आयोजन करण्यात आले होते.’रक्तदान हे जीवनदान, रक्तदान हेच श्रेष्ठ दान’ मानत आयोजित रक्तदान शिबिराला उत्स्फूर्त प्रतिसाद मिळत ३० रक्तदात्यांनी यावेळी रक्तदान केले. वेतोरे मित्र मंडळ वतीने सर्व प्रथम २०११साला पासून रक्तदान शिबिराचे आयोजन करण्यात येत आहे. या रक्तदान शिबिराला छत्रपती शिवाजी महाराज यांच्या प्रतिमे पुष्पहार अर्पण करून सुरुवात करण्यात आली.या वेळी माजी उपसरपंच रघुनाथ उर्फ नाना वालावलकर, पोलिस पाटील सुशांत नाईक,साई योगेश्वरी मंगल कार्यालय वेतोरेचे मालक तथा दैनिक पुढारी वेतोरे प्रतिनिधी विवेक गोगटे,मदन राऊळ, चंद्रकांत वालावलकर, कृष्णा वालावलकर, सुमित्रा गावडे, गणपत खानोलकर,परेश नाईक,रामा उर्फ आप्पा सावंत,विरोचंद धुरी, शशिकांत गावडे, मकरंद दामले, दैनिक सकाळ पत्रकार संदिप चव्हाण वेतोरे मित्र मंडळ पदाधिकारी, ग्रामस्थ उपस्थित होते.
या रक्तदान शिबिराला ओरोस वैद्यकीय महाविद्यालयचे डॉ.स्वप्निल चव्हाण वैद्यकीय अधिकारी,निता आरोलकर अधिपरिचारिका, धनपाल इंगोले वैद्यकीय समाज सेवा अधिक्षक,मयुरी शिंदे रक्तपेढी तंत्रज्ञ, ऋतुजा हरमलकर रक्तपेढी तंत्रज्ञ, नितीन गावकर वाहनचालक, विजय निरुखेकर परिचर या वैद्यकीय टीमचे मोलाचे सहकार्य लाभले.या वेळी आयोजकांच्या वतीने पूर्ण टीमचे गुलाब पुष्प देऊन स्वागत करण्यात आले.तसेच उपस्थित मान्यवरांचे देखिल यावेळी स्वागत करण्यात आले.या रक्तदान शिबिराला उत्स्फूर्त प्रतिसाद मिळाला.
यावेळी रक्तदान केलेल्या रक्तदात्यांचा प्रशस्तीपत्र देऊन सन्मान करण्यात आला. सिंधुदुर्ग जिल्हा रक्तपेढीत रक्ताचा तुटवडा भासत असल्याने या रक्तदान शिबिरामुळे गरजू रुग्णांना त्याचा फायदा होईल. हे रक्तदान शिबीर सकाळी ९.३० वा ते दुपारी १वा.पर्यत पार पडले.तसेच या रक्तदान शिबिराला रक्तदान केलेल्या रक्तदात्यांचे, रक्तदान शिबीर यशस्वी करण्यासाठी फार मोलाचे सहकार्य लाभलेल्या वैद्यकीय महाविद्यालय ओरोसच्या टीमचे तसेच हे रक्तदान शिबीर आयोजिनासाठी आपल्या साई योगेश्वरी मंगल कार्यालय येथे जागा उपलब्ध करून सहकार्य केल्याबद्दल मालक विवेक गोगटे तसेच हे रक्तदान शिबीर यशस्वी करण्यासाठी सहकार्य केलेल्या सर्वाचे वेतोरे मित्र मंडळाच्या वतीने आभार मानले गेले.