🛑कणकवलितिल एकाची 6%टक्के परतावा देतो सांगून फसवणूक.

🖋️लोकसंवाद /- रत्नागिरी.

रत्नागिरी शहरातील एका संशयित आरोपीने कणकवली तालुक्यातील एकाला ६ टक्के परतावा देतो सांगून सुमारे ११ लाख ७४ हजार ३५० रुपयांची फसवणूक केली.या प्रकरणी रत्नागिरी शहर पोलीस स्थानकात गुन्हा दाखल करण्यात आला आहे.पोलिसांनी दिलेल्या माहितीनुसार,प्रशांत श्रीकांत उन्हाळकर (वय ४५, रा. कुरंजवडे,ता. कणकवली) यांनी रत्नागिरी शहरातील गुरुकुल इन्स्टिट्यूट ऑफ व्हेकेशनल स्टीडीज प्रा.लि.मध्ये असणाऱ्या उमेश केशव नेसवणकर (वय ५३, मिठबुंबरी बाग) याच्याकडे २३ ऑगस्ट २०१३ ते सन २०१६ या कालावधीत १८,२९,३५० रुपये रोख व चेक स्वरुपात गुंतवले.त्यापैकी आरोपी याने ६ लाख ५५ हजार रुपये परत केले. परंतु उर्वरित रक्कम ११,७४,३५० रुपये परत न करता त्यांची फसवणूक केली. याप्रकरणी रत्नागिरी शहर पोलीस स्थानकात संशयित आरोपीविरुद्ध भारतीय दंडविधान कायदा कलम ४२० प्रमाणे गुन्हा दाखल करण्यात आला आहे. अधिक तपास रत्नागिरी शहर पोलीस करत आहेत.