🛑लक्ष्मीबाई सिताराम हळबे महाविद्यालयात महिला कायदेविषयक व्याख्यान संपन्न..

✍🏼लोकसंवाद /- दोडामार्ग.

दोडामार्ग येथील लक्ष्मीबाई सिताराम हळबे महाविद्यालयात महिला गुन्हे ,सायबर गुन्हे ,डायल 112 या विषयावर व्याख्यान
संपन्न झाले.विज्ञान आणि तंत्रज्ञान याच्या सहाय्याने पूर्ण जगांनी प्रगती केली परंतु यातूनच अनेक गुन्हे घडताना दिसतात यामध्ये महिला विषयक गुन्हे सायबर गुन्हे असे वेगवेगळे गुन्हे वाढत चाललेले आहे कारण मोबाईलचा अतिरेक आणि चुकीचा उपयोग यामुळे गुन्ह्यांचं प्रमाण वाढत आहे यासाठी प्रत्येक व्यक्तीने दैनंदिन जीवनात आपण कसे वागणार आहोत विनाकारण सोशल मीडिया वरील चुकीच्या मेसेज ना बळी पडू नका योग्य काय अयोग्य काय याचा विचार केल्याशिवाय पुढचं पाऊल टाकू नका अन्यथा आपण गुन्हेगार होऊ शकता यासाठी आपण चांगल्या स्पर्धा परीक्षांचा अभ्यास करून चांगलं पद मिळवा चांगली व्यक्ती घडा असे प्रतिपादन सावंतवाडी उपविभागीय पोलीस अधिकारी दीपक कांबळे यांनी विद्यार्थ्यांना उद्देशून केल.

विनाकारण जास्त पैशाच्या हव्यासाने कायदेशीर मार्गांच्या व्यतिरिक्त बेकायदेशीर मार्गाने पैसे गुंतवणूक करू नका अन्यथा तुमची फसवणूक होऊ शकते तसेच सुज्ञ नागरिक म्हणून आपण वाहतुकीचे नियम पाळा कोणत्याही गुन्ह्यात अडकू नका चांगली व्यक्ती बनून स्पर्धा परीक्षा उत्तीर्ण व्हा देशाचे आदर्श नागरिक बना असे मत दोडामार्ग पोलीस स्टेशनचे पोलीस निरीक्षक श्री हेमचंद्र खोपडे यांनी केले
यावेळी व्यासपीठावर सावंतवाडी पोलीस उपविभागीय अधिकारी दीपक कांबळे ,दोडामार्ग पोलीस निरीक्षक हेमचंद्र खोपडे, पोलीस उपनिरीक्षक श्री गजानन भालेराव, प्राचार्य डॉक्टर सुभाष सावंत ,राष्ट्रीय सेवा योजना कार्यक्रमाधिकारी डॉक्टर संजय खडपकर, महाविद्यालयाचे प्राध्यापक, प्राध्यकेत्तर कर्मचारी ,विद्यार्थी, पोलीस कर्मचारी उपस्थित होते प्रास्ताविक व सूत्रसंचालन डॉक्टर संजय खडपकर यांनी तर आभार प्रा.शेफाली गवस हिनी केले.