🛑खासदार नारायणराव राणे उद्या तिन्ही विधानसभा मतदारसंघांमध्ये भाजप सदस्य नोंदणीचा घेणार आढावा.;रणजित देसाई.

✍🏼लोकसंवाद /- कुडाळ.

संपूर्ण महाराष्ट्र राज्यामध्ये भारतीय जनता पार्टीच्या सदस्यता नोंदणी अभियानाला प्रारंभ झाला असून याचाच एक भाग म्हणून सिंधुदुर्ग जिल्ह्यात दिनांक १ जानेवारी ते १५ जानेवारी या कालावधीमध्ये पक्षाचे सदस्यता नोंदणी अभियान सुरू करण्यात आले आहे. महाराष्ट्र राज्याचे माजी मुख्यमंत्री व रत्नागिरी सिंधुदुर्ग जिल्ह्याचे खासदार नारायणराव राणे, भारतीय जनता पार्टीचे जिल्हाध्यक्ष प्रभाकर सावंत, पश्चिम महाराष्ट्र देवस्थान समितीचे माजी अध्यक्ष व अभियानाचे जिल्हा प्रभारी श्री.महेश जाधव यांच्या प्रमुख उपस्थितीमध्ये उद्या सिंधुदुर्ग जिल्ह्यातील तीनही विधानसभा मतदारसंघांमध्ये या अभियानाच्या आढावा बैठका संपन्न होणार असल्याची माहिती या अभियानाचे जिल्हा संयोजक व पक्षाचे जिल्हा सरचिटणीस रणजीत देसाई यांनी दिली.
सकाळी ठीक ११ वाजता सावंतवाडी विधानसभा मतदारसंघाची बैठक बॅरिस्टर नाथ पै हॉल नगरपरिषद सावंतवाडी येथे होणार असून दुपारी २.३० वाजता कुडाळ विधानसभा मतदारसंघाची बैठक शांतादुर्गा मंगल कार्यालय पावशी येथे व कणकवली विधानसभा मतदारसंघाची बैठक प्रहार भवन कणकवली येथे सायंकाळी ५.३० वाजता होणार आहे.
या बैठकांमध्ये जिल्ह्यातील प्रत्येक बुथवर झालेल्या नोंदणीचा आढावा घेण्यात येणार असून महाराष्ट्र प्रदेश भारतीय जनता पार्टीने दिलेले प्रत्येक विधानसभा मतदारसंघाचे एक लाख सभासदांचे उद्दिष्ट पूर्ण करण्याबाबत मार्गदर्शन करण्यात येणार आहे. भारतीय जनता पार्टीचे प्रदेशाध्यक्ष चंद्रशेखर बावनकुळे तसेच संघटन पर्वाचे प्रदेश प्रभारी माजी पालकमंत्री रविंद्र चव्हाण यांच्या नेतृत्वाखाली भारतीय जनता पार्टी च्या सिंधुदुर्ग मधील सर्वच प्रमुख पदाधिकारी व कार्यकर्त्यांनी प्रत्येक बूथ वर सदस्य नोंदणी चा पहिला टप्पा यशस्वीरित्या पूर्ण केला असून दिनांक १५ जानेवारी पर्यंत दिलेले उद्दिष्ट पूर्ण करण्यात येईल असा विश्वास या रणजीत देसाई यांनी व्यक्त केला आहे. उद्या होणाऱ्या बैठकीला सर्व बूथ अध्यक्ष, शक्ती केंद्रप्रमुख, सरपंच ,उपसरपंच सर्व आजी-माजी लोकप्रतिनिधी, सहकार क्षेत्रातील सर्व पदाधिकारी, सर्व मोर्चा व प्रकोष्ठांचे पदाधिकारी तसेच पक्षाचे तालुका व जिल्हा कार्यकारणी सदस्य व पदाधिकारी यांनी सदस्य नोंदणी अहवाला सह उपस्थित राहावे असे आवाहन देखील देसाई यांनी केले आहे. यावेळी कुडाळ मंडल अध्यक्ष संजय वेंगुर्लेकर, प्रदेश कार्यकारणी सदस्य बंड्या सावंत, जिल्हा कार्यकारणी सदस्य पप्या तवटे , युवा मोर्चा अध्यक्ष रुपेश कानडे, माजी पंचायत समिती सदस्य संदेश नाईक, माजी नगरसेवक सुनील बांदेकर उपस्थित होते.