🛑टाटा समुहाचे प्रसिद्ध उद्योगपती रतन टाटा यांचे निधन..

▪️रतन टाटांवर शासकीय इतमामात होणार अंत्यसंस्कार! राज्यात एक दिवसाचा दुखवटा जाहीर मुंबईतील सर्व कार्यक्रम रद्द.

✍🏼लोकसंवाद /- मुंबई.

भारतातील प्रसिद्ध उद्योगपती आणि टाटा सन्सचे माजी अध्यक्ष रतन टाटा यांचे निधन झाले आहे.रतन टाटांवर शासकीय इतमामात होणार अंत्यसंस्कार! राज्यात एक दिवसाचा दुखवटा मुख्यमंत्री एकनाथ शिंदे यांनी जाहीर केला आहे.गुरुवारी मुंबईतील सर्व कार्यक्रम रद्द करण्यात आले आहेत.

रतन टाटा प्रकृती अस्वास्थ्यामुळे दोन दिवसांपूर्वी त्यांना मुंबईतील ब्रीच कँडी रुग्णालयात दाखल करण्यात आले होते.बुधवारी (09 ऑक्टोबर) रात्री उशीरा त्यांनी वयाच्या 86 व्या वर्षी अखेरचा श्वास घेतला.86 वर्षीय रतन टाटा यांना 06 ऑक्टोबर रोजी मध्यरात्रीच्या सुमारास अस्वस्थ वाटू लागले होते.रक्तदाब कमी झाल्याने आणि श्वास घेण्यास त्रास होऊ लागल्याने रतन टाटा यांना तत्काळ ब्रीच कॅंडी रुग्णालयात दाखल करण्यात आले होते.तसेच त्यांच्यावर आयसीयूत उपचार सुरू असून डॉक्टरांचे पथक त्यांच्यावर प्रकृतीवर लक्ष ठेवून असल्याची माहिती समोर आली होती.मात्र या वृत्तानंतर रतन टाटा यांनी स्वतःच X या सोशल मीडिया प्लॅटफॉर्मवरून आपली प्रकृती ठीक असल्याची माहिती दिली होती.तसेच वाढत्या वयामुळे नियमित आरोग्य तपासणीसाठी आपण रुग्णालयात दाखल झाल्याचे त्यांनी पोस्टच्या माध्यमातून म्हटले होते.

*मुंबईतील सर्व शासकीय कार्यक्रम रद्द..*

मुंबईत आज राज्य शासनाचे अनेक कार्यक्रम नियोजित होते, मात्र रतन टाटा यांच्या निधनामुळे हे सर्व कार्यक्रम रद्द करण्यात आले आहेत. हे कार्यक्रम आता पुढील दिवशी घेण्यात येतील, अशी माहिती राज्याचे पालकमंत्री दीपक केसरकर यांनी दिली आहे.

रतन टाटा यांना शासकीय इतमामात अंतिम निरोप दिला जाणार असून, उद्या त्यांच्यावर मुंबईत अंत्यसंस्कार करण्यात येणार आहेत. त्यांच्या निधनामुळे उद्योग जगतात एक दुर्मिळ रत्न हरपले असल्याचे मुख्यमंत्री एकनाथ शिंदे यांनी शोक व्यक्त करताना म्हटले आहे.

*रतन टाटा: नैतिकतेचे आणि उद्यमशीलतेचे प्रतीक.*

रतन टाटा हे नैतिकता आणि उद्यमशीलतेचा आदर्श संगम होते. टाटा ग्रुपची जवळपास १५० वर्षांची परंपरा त्यांनी यशस्वीरित्या पुढे नेली. त्यांच्या निर्णयक्षमतेमुळे आणि दृढ संकल्पामुळे त्यांनी टाटा समूहाला आंतरराष्ट्रीय पातळीवर नेले. टाटा मोटर्स, टीसीएस, टाटा केमिकल्स आणि टाटा स्टील यांसारख्या मोठ्या कंपन्यांना त्यांनी नवी उंची गाठून दिली.

१९९१ मध्ये रतन टाटा टाटा समूहाचे अध्यक्ष झाले आणि त्यांच्या नेतृत्वाखाली समूहाने जागतिक स्तरावर विस्तार केला. २०१२ मध्ये निवृत्त झाल्यानंतरही त्यांनी उद्योगांना मार्गदर्शन करत राहिले. त्यांच्या सामाजिक बांधिलकीची आठवण मुंबईवरील २००८ च्या हल्ल्यांनंतर त्यांच्या दृढतेतून दिसून आली.

रतन टाटा यांचा विचार, धाडसी निर्णय, आणि कर्तृत्व यामुळे ते येणाऱ्या पिढ्यांसाठी प्रेरणास्थान राहतील, असे मुख्यमंत्री एकनाथ शिंदे म्हणाले.