🛑कोकणचा किरणोदय किरण सामंत.;युवासेना जिल्हाध्यक्ष ऋत्विक सामंत.

✍🏼लोकसंवाद /- सिंधुदुर्ग.

सर्वांचे लाडके भैय्याशेठ आणि माझे लाडके किरण दादा रत्नागिरी सिंधुदुर्ग जिल्ह्यातील प्रसिद्ध उद्योजक म्हणून श्री किरणजी सामंत ओळखले जातात.समाजकारणातून राजकारणात उतरल्यानंतर त्यांनी अल्पावधीतच रत्नागिरी-सिंधुदुर्ग जिल्हावासीयांची मने जिंकली आहेत. कोकणचा विकास व्हावा याकडे त्यांचे नेहमीच लक्ष असते.कार्यालयात येणारा माणूस कोणत्या पक्षाचा आहे,तो मित्र आहे की शत्रू आहे हे कधीही न पाहता किरण दादा त्यांचे काम करतात. काहीही झाले तरी लोकांची कामे झालीच पाहिजेत,आपल्याकडे आलेला कोणताही माणूस निराश होऊन मागे जाऊ नये या दृष्टिकोनातून त्यांनी कामाला सुरुवात केली. युवक अध्यक्ष ते उद्योगमंत्री अशा लहान भावाच्या राजकीय प्रवासात ते खंबीरपणे पाठीशी उभे राहिले.रत्नागिरी सिंधुदुर्ग जिल्ह्यात काम करताना कोणताही प्रश्न कसा सोडवायचा आणि योजना कशी पूर्ण करायची याचा त्यांना अचूक अभ्यास आहे.स्वत: सामाजिक कार्य करत असताना त्यांनी आपल्या सहवासातील प्रत्येकाकडून सामाजिक कार्य घडवून आणले,अनेक अडचणींवर मात करत त्यांनी अनेक लोकांना जोडले, महत्त्वाचे म्हणजे त्यांनी केवळ लोकांना जोडले नाही तर त्यांना काम करण्याची प्रेरणा दिली आणि त्यांना यशस्वी होण्यासाठी मदत देखील केली.अश्या लोकनेत्याला खासदारकी मिळावी. रत्नागिरी-सिंधुदुर्ग लोकसभा ही जागा शिवसेनेची असून ती शिवसेनेनेच लढवावी, श्री. किरणजी सामंत हेच महायुतीचे उमेदवार असावेत अशी तमाम कोकणवासीयांची मागणी आहे कारण एखाद्या नेत्याने स्वत: उद्यमशील आणि शिक्षित असले पाहिजे, तरच तो आपल्या जिल्ह्याचा विकास करू शकतो.येणाऱ्या युवा पिढीला मार्गदर्शन करू शकतो व कोकणातही उद्योजक घडवू शकतो. श्री किरणजी सामंत यांना उमेदवारी जाहीर झाल्यास त्यांचा विजय निश्चित आहे, ते बहुमताने निवडून येणार याची सर्वांना खात्री आहे.असे या लोकसंवाद लाईव्ह न्यूज च्या माध्यमातून युवासेना जिल्हाध्यक्ष ( कुडाळ – मालवण) श्री.ऋत्विक सामंत यांनी आपल्याला मुलाखतीमध्ये सांगितले आहे.