🛑आडारी ब्राह्मण मंदिर येथे प्रथमच जागतिक महिलादिन विविध कार्यक्रमांनी झाला संपन्न..

✍🏼लोकसंवाद /- वेंगुर्ला.

रविवार दिनांक 10 मार्च 2024 रोजी आडारी ब्राह्मण मंदिर येथे प्रथमच जागतिक महिलादिन विविध कार्यक्रमांनी संपन्न झाला.आडारी गावातील सर्व महिला भगिनींनी एकत्र येत या कार्यक्रमाचे आयोजन केले.या कार्यक्रमाचे उद्घाटन कार्यक्रमाच्या अध्यक्षा सौ.नेहा कामत आडारकर यांचे हस्ते करण्यात आले.या कार्यक्रमाच्या सुरुवातीला आडारी गावातील 30 ज्येष्ठ महिलांना शाल,श्रीफळ आणि गुलाब पुष्प देऊन सन्मानित करण्यात आले. तसेच आडारीतील प्राथमिक शिक्षिका सौ.प्रतिमा राजेश पेडणेकर यांना जिल्हा स्तरीय आदर्श शिक्षक पुरस्कार व नगर वाचनालय वेंगुर्ला यांचा आदर्श शिक्षक पुरस्कार मिळाल्याबद्दल आडारीतील सर्व महिलांनी शाल, श्रीफळ, गुलाब पुष्प आणि भेटवस्तू देऊन त्यांना सन्मानित करण्यात केले.

महिला दिनानिमित्त आडारी महिला भगिनींनी विविध गुणदर्शनाचे कार्यक्रम सादर केले.यामध्ये समूह नृत्य, लेझीम, फुगड्या, विविध भावगीते, भक्तीगीते, वैयक्तिक नृत्ये सादर करून रसिकांची मने जिंकली.

तसेच यानिमित्ताने सर्व महिलांनी उखाणे घेतले. महिलांसाठी संगीतखुर्ची, बटाटा शर्यत व मेणबत्त्या पेटविणे इत्यादी फनीगेम घेण्यात आले.विजेत्यांना भेट वस्तू देऊन गौरविण्यात आले.कार्यक्रमाच्या यशस्वीतेसाठी सर्व महिला भगिनींनी परिश्रम घेतले.