🛑राणी लक्ष्मीबाई कन्याशाळा वेंगुर्ला येथे संपन्न झाला जागतिक महिला दिन..

✍🏼लोकसंवाद /- वेंगुर्ला.

राणी लक्ष्मीबाई कन्याशाळा वेंगुर्ला येथे जागतिक महिला दिनाचे औचित्य साधून महिला दिन संपन्न झाला.शाळा व्यवस्थापन समिती उपाध्यक्षा सौ.आरती नेरूरकर यांच्या अध्यक्षतेखाली ,सौ.सीमा नाईक- प्रमुख पाहुण्या यांचे उपस्थितीत आणि सौ.साक्षी बोवलेकर व सौ.संध्या खामकर या पाककृती परिक्षकांच्या उपस्थितीत हा कार्यक्रम साजरा करण्यात आला.

सर्व प्रथम दिपप्रज्वलन करून सरस्वती देवी,सावित्रीबाई फुले ,राणी लक्ष्मीबाई आणि जिजाऊ यांच्या प्रतिमेस पुष्पहार अर्पण करून कार्यक्रमाला सुरुवात केली.उपस्थितांचे पुष्पगुच्छ देऊन स्वागत करण्यात आले.सौ.सीमा नाईक मॅडम यांनी मुलांना मार्गदर्शन केले आणि सर्व मुलांना भोजनासाठी निमंत्रित केले.सौ.साक्षी बोवलेकर यांनी महिलांना योगशिक्षणाचे महत्त्व समजावून दिले. तसेच सौ.साक्षी बोवलेकर व सौ.संध्या खामकर यांनी पाककृतींचे परिक्षण करुन विजेत्या स्पर्धकांची नावे जाहीर केली. तसेच मुख्याध्यापिका सौ.प्रतिमा पेडणेकर यांनी मातांना व किशोर वयीन मुलींना मासिक पाळी विषयी मार्गदर्शन केले.

पाककृती मध्ये सौ.वैदेही आरोलकर प्रथम क्रमांक, सौ.सुवर्णा पाटील द्वितीय क्रमांक, सौ.प्रिया पांडुरंग माडये तृतीय क्रमांक,सौ.वैभवी गावडे व सौ. शितल पालकर यांनी उत्तेजनार्थ क्रमांक पटकाविला. सर्व विजेत्यांचे भेट वस्तू देऊन अभिनंदन करण्यात आले.हा कार्यक्रम यशस्वी करण्यासाठी शालेय व्यवस्थापन समिती, शिक्षक पालक संघ,माता पालक संघ, शाळेचा शिक्षक वृंद आणि ग्रामस्थ यांचे मोलाचे सहकार्य लाभले.