🛑आम.नितेश राणे यांच्या हस्ते होणार 22 रोजी महाआरती आणि कार सेवकांचा होणार सत्कार..

▪️छत्रपती शिवाजी महाराज चौक कणकवली येथे होणार भव्य कार्यक्रम..

✍🏼लोकसंवाद /- कणकवली.

२२ जानेवारी रोजी कणकवली येथे आमदार श्री. नितेश राणे यांच्या महाआरती करण्यात येणार आहे. तर १९९२ साली कार सेवक म्हणून अयोध्येला गेलेल्या मतदारसंघातील कणकवली, देवगड, वैभववाडी या तीन तालुक्यातील कार सेवकांचा सत्कार सोहळा पार पडणार आहे. छत्रपती शिवाजी महाराज चौक कणकवली येथे सायंकाळी ७.०० वाजता हा कार्यक्रम होणार आहे तर त्या नंतर प्रभू श्रीराम यांचेवर महान पौराणिक नाटक होणार आहे.
दिनांक २२ जानेवारी २०२४ रोजी अयोध्ये मध्ये प्रभू श्रीरामाचा प्राणप्रतिष्ठा सोहळा देशाचे पंतप्रधान श्री. नरेंद्रजी मोदी यांच्या हस्ते होणार आहे. सदरहू कार्यक्रमाच्या निमित्ताने देशभर अनेक धार्मिक कार्यक्रमांचे नियोजन केले जात आहे. कणकवली, देवगड, वैभववाडी मतदारसंघाचे आमदार श्री. नितेश राणे यांच्या हस्ते कणकवली मध्ये श्री शिवाजी महाराज चौकात सायंकाळी ७.०० वाजता महाआरती करण्यात येणार असून त्यानंतर १९९२ साली कार सेवक म्हणून अयोध्येला गेलेल्या मतदारसंघातील मान्यवरांचा सत्कार सोहळा पार पडणार आहे. त्यानंतर रात्रौ ९.०० वाजता प्रभू श्रीरामाच्या राम लीलांचे दशावतारी नाट्य सादर करण्यात येणार आहे.अशी माहिती आमदार नितेश राणे यांच्या कार्यालयाकडून प्रसिध्दी पत्राद्वारे दिली आहे.