🛑जगप्रसिद्ध आरवली श्री देव वेतोबाला श्रावण सोमवार दिनी बेलपत्रांचा अंगरखा..

✍🏼लोकसंवाद /- वेंगुर्ला.

केळ्यांच्या घडांच्या नवसाला पावणारा अशी ख्याती पावलेल्या वेंगुर्ले तालुक्यातील आरवली येथील श्री देव वेतोबाला आज सोमवारी श्रावण सोमवारचे औचित्य साधून बेलपत्रांचा अंगरखा घालण्यात आला. यावेळी दर्शनासाठी भाविकांनी मोठी गर्दी केली होती. वेंगुर्ले तालुक्यातील वेंगुर्ले – शिरोडा – गोव्याकडे जाणाऱ्या या मुख्य मार्गानजिक आरवली येथे श्री देव वेतोबाचे मंदिर असून भक्तांच्या हाकेला धावणारा श्री देव वेतोबा अशी ख्याती आहे.जगप्रसिद्ध अशा या देवतेच्या दर्शनासाठी वेंगुर्ले तालुका, गोवा, मुंबई, बेळगांव तसेच अन्य भागातून भाविक मोठया संख्येने येतात.या मंदिरात देवस्थान कमिटी,मानकरी,ग्रामस्थ व भाविक यांच्या सहकार्याने
वर्षभर विविध धार्मिक कार्यक्रम मोठया उत्साहात साजरे केले जातात.वार्षिक जत्रोत्सव,वाढदिवस,आषाढ महिन्यात हरिनाम सप्ताह आदी विविध धार्मिक कार्यक्रमासाठी तसेच श्रावण महिन्यात या देवतेच्या दर्शनासाठी भाविकांची मोठी गर्दी होते. तसेच वर्षभर केळ्यांच्या घडाचा नवस बोलल्यासाठी,फेडण्यासाठी भाविकांची मोठी गर्दी होत असून या देवतेचा महिमा सर्वदूर पसरत चालला आहे.