🛑चोरी – घरफोडी गुन्हेगारी मधील फरार असलेल्या आरोपीच्या पोलिसांनी मुसक्या आवळल्या..

◼️स्थानिक गुन्हे अन्वेषण सिंधुदुर्ग ची धडक कारवाई.

✒️लोकसंवाद /- सिंधुदुर्ग.

चोरी, घरफोडी व संघटित गुन्हेगारीमधील एक ते दीड वर्षापासून फरार असलेल्या सराईत आरोपीस स्थानिक गुन्हे अन्वेषण शाखा सिंधुदुर्ग ने तुळजापूर येथून ताब्यात घेतले आहे.सावंतवाडी पोलीस ठाणे गु.र.नं. 129/2025, भा.न्या.संहिता 2023 चे कलम 303(2), 305(A), 331(3), 331(4), 126, 111(2)(ख), 62, 3(5) अन्वये गुन्हा दिनांक 10/07/2025 रोजी 18.12 वा. दाखल आहे.दाखल गुन्ह्याच्या तपासाअंती सदर गुन्ह्यामध्ये संघटित गुन्हेगारीसंदर्भात BNS कलम 111 चा अंतर्भाव करण्यात आलेला आहे. सदर गुन्ह्यातील पाहिजे आरोपी नामे राहुल सुनील भोसले, वय 27 वर्षे, रा. धनेगाव, ता. तुळजापूर, जि. धाराशिव हा गुन्हा घडल्यापासून स्वतःचे अस्तित्व लपवून फिरत असल्याने मिळून येत नव्हता.

स्थानिक गुन्हे अन्वेषण शाखेचे PSI हनुमंत भोसले व त्यांच्या पथकाने* नमूद आरोपीचा सातत्याने पाठपुरावा करून, आरोपी हा त्याचे मूळ गाव धनेगाव, ता. तुळजापूर परिसरात असल्याचे व गोपनीय माहितीच्या आधारे निष्पन्न केले. त्यानुसार नमूद पथकाने धनेगाव, तुळजापूर येथे जाऊन आरोपीच्या हालचालींवर सतत पाळत ठेवून, दिनांक 08/10/2026 रोजी 17.45 वा. धनेगाव परिसरातून आरोपीचा पाठलाग करून त्यास शिताफीने ताब्यात घेतले.आरोपीकडे सदर गुन्ह्याच्या अनुषंगाने चौकशी केली असता त्याने गुन्हा केल्याची कबुली दिली. त्यानंतर त्याची वैद्यकीय तपासणी करून पुढील कायदेशीर कार्यवाहीकरिता त्यास सावंतवाडी पोलीस ठाण्याच्या ताब्यात देण्यात आले आहे.

नमूद आरोपीविरुद्ध खालील 03 गुन्हे दाखल असून, सदर गुन्ह्यांमध्येही तो पाहिजे आरोपी आहे
1. पेडणे, गोवा पोलीस ठाणे गु.र.नं. 45/2025
भा.न्या.संहिता 2023 चे कलम 109
( *खुनाचा प्रयत्न* )

2. पेडणे, गोवा पोलीस ठाणे गु.र.नं. 46/2025
भा.न्या.संहिता 2023 चे कलम 303(2)
( *वाहन चोरी* )

3. ओल्ड गोवा पोलीस ठाणे गु.र.नं. 97/2025
भा.न्या.संहिता 2023 चे कलम 331(2), 331(4), 305, 3(5) ( *घरफोडी* )

सदरची कारवाई मा. श्री. मोहन दहिकर, पोलीस अधीक्षक, सिंधुदुर्ग व मा. कु. नयोमी साटम, अपर पोलीस अधीक्षक, सिंधुदुर्ग यांच्या सूचनेनुसार तसेच पोलीस निरीक्षक श्री. प्रवीण कोल्हे यांच्या मार्गदर्शनाखाली स्थानिक गुन्हे अन्वेषण शाखेचे PSI हनुमंत भोसले, HC/1019 ओटववणेकर, PC/598 अमर कांडर व PC/1017 समजिस्कर यांच्या पथकाने सहभाग घेतला.