🛑जिल्ह्यात होऊ घातलेल्या प्रकल्पाना प्रकल्पपुरक कोर्सेसही चालू करा.;दयानंद चौधरी यांची पालकमंत्री नितेश राणे यांच्याजवळ मागणी

✒️लोकसंवाद /- सिंधुदुर्ग.

जिल्ह्याचे पालकमंत्री नितेश राणे यांच्या माध्यमातून पर्यावरण पूरक असे दोन प्रकल्प सिंधुदुर्ग जिल्ह्यात होऊ घातले आहेत.त्यामध्ये शिरोडा वेळाघर येथील ताज हॉटेल प्रकल्प व झोया मरीन कपंनीचा जहाज बांधणी प्रकल्प.तसेच देवगड तालुक्यातील गिर्ये येथे जहाज बांधणी प्रकल्प प्रस्तावित आहे,तो ही लवकर अस्तित्वातील अशी आशा बाळगू या हे प्रकल्प चालू करण्याकरिता लागणारा कर्मचारी वर्ग सिंधुदुर्ग जिल्ह्यातून उपलब्ध होण्याकरिता या प्रकल्पाला पूरक असे कोर्सेसही चालू होणे आवश्यक आहे.हे कोर्सेस झाले तरच सिंधुदुर्ग जिल्ह्यातील तरुण बेरोजगारांना नोकऱ्या उपलब्ध होतील. नपेक्षा उद्या प्रकल्प चालू झाल्यावर, प्रकल्प चालू करण्याकरिता लागणारे स्कील्ड वर्कर्स जिल्ह्यात उपलब्ध नाहीत,या कारणास्तव परजिल्ह्यातील अथवा परप्रांतीयांची भरती केली जाईल,आणि मग सरकारला बदनाम करण्याकरिता, उपोषण, धरणे आंदोलने, यासारखे उपक्रम,विरोधकांकडून केले जातील. म्हणून माझी आपणास विनंती आहे की, लवकरात लवकर पालकमंत्री नितेश राणे साहेब यासाठी लागणारे कोर्सेस जिल्ह्यात चालू करण्याकरिता प्रयत्न करावेत, जेणेकरून प्रकल्प चालू होईपर्यंत जिल्ह्यातच स्कील्ड कामगार उपलब्ध होतील असे निवेदन पालकमंत्री यांना देत वालावल येथील सामाजिक कार्यकर्ते तथा प्रगत सिंधुदुर्ग मुंबई चे अध्यक्ष श्री.दयानंद चौधरी यांनी मागणी केली आहे.