🛑महाराष्ट्रातील 288 विधानसभा मतदारसंघामधून तळ कोकणातील सावंतवाडी मतदारसंघ हर घर तिरंगा अभियान अंतर्गत सेल्फी विथ तिरंगा मध्ये राज्यात दुसरा.

◼️मतदारसंघात भाजपा आमदार नसताना सुद्धा मतदार संघातील गावागावात जोशपूर्ण वातावरणात काढण्यात आल्या तिरंगा रॅली.

▪️महाराष्ट्र भाजप युवा नेते विशाल परब यांच्या नेतृत्वाखाली मतदार संघातील तीनही तालुक्यात तिरंगा रॅली व हर घर तिरंगा कार्यक्रम उत्साहात संपन्न..

✒️लोकसंवाद /- सावंतवाडी.

राज्यात भाजपा तर्फे भाजपा प्रदेशाध्यक्ष रविंद्रजी चव्हाण साहेबांच्या मार्गदर्शनात हर घर तिरंगा अभियान अंतर्गत सेल्फी विथ तिरंगा व तिरंगा रॅली असेही कार्यक्रम सिंधुदुर्ग जिल्ह्यात घेण्यात आले. खासदार नारायणराव राणे साहेब, पालकमंत्री नितेशजी राणे साहेब, जिल्हाध्यक्ष प्रभाकर सावंत, अभियानाचे जिल्हा संयोजक संदीप गावडे यांच्या मार्गदर्शनाखाली व महाराष्ट्र भाजपा युवानेते विशालजी परब, जिल्हा उपाध्यक्ष प्रसन्ना देसाई यांच्या सुक्ष्म नियोजनामुळे या अभियानात सेल्फी विथ तिरंगा मध्ये सावंतवाडी विधानसभा ही राज्यात द्वितीय क्रमांकावर तर आंबोली मंडल हे जिल्ह्यात प्रथम क्रमांकावर आले आहे.
या सर्व मान्यवरांबरोबर विधानसभेतील सर्व पाचही मंडल अध्यक्ष, महिला जिल्हाध्यक्ष सौ. श्वेताताई कोरगांवकर, सर्व महिला मंडल अध्यक्ष, सर्व युवामोर्चा अध्यक्ष, सर्व मंडल संयोजक तसेच सर्व पदाधिकारी, कार्यकर्ते यांची मेहनत देखील फळाला आली. हा सर्वांच्या मेहनतीचा, घेतलेल्या कष्टाचा, देशभक्तीचा व सुक्ष्म नियोजनाचा विजय आहे. या रॅली साठी व ठिकठिकाणी ठेवलेल्या सेल्फी पॉइंट यासाठी विशालजी परब व प्रसन्ना देसाई यांनी जे सुक्ष्म नियोजन केले होते त्यामुळे हे यश प्राप्त झालं याबाबत कोणाचेही दुमत नाही. विशेष म्हणजे आंबोली मंडल युवामोर्चा अध्यक्ष विनेश तावडे यांनी रॅलीच्या दिवशी सर्व सेल्फी पॉइंट कडे प्रत्येकी दोन कार्यकर्ते नियुक्त केले व त्यांना आधी प्रशिक्षण दिले त्यामुळे फोटो काढल्यानंतर ते कार्यकर्ते सर्वांची त्वरित सरल ॲपवर नोंदणी करायचे सावंतवाडी रॅली साठी महाराष्ट्र भाजपा युवानेते विशालजी परब, विनोदजी राऊळ, उपनगराध्यक्ष ॲड. अनिलजी निरवडेकर, जिल्हा उपाध्यक्ष प्रसन्ना देसाई यांच्या नियोजनाच्या टीममधील साईप्रसाद भोई, श्रीकांत राजाध्यक्ष, ओंकार पावसकर, साई नाईक, धिरेंद्र म्हापसेकर गौरव डेकोरेटर्सचे गौरव दळवी,यांनी जी मेहनत घेतली त्यांचे पण अभिनंदन.