🛑सिंधुदुर्ग जिल्हा सहकारी मंडळाच्या नूतन कार्यकारिणीची बिनविरोध निवड..

◼️अध्यक्षपदी गजानन संभाजी सावंत, उपाध्यक्षपदी विनोद रामचंद्र मर्गज.

✒️लोकसंवाद /- ओरोस.

सिंधुदुर्ग जिल्हा सहकारी मंडळ म. सिंधुदुर्ग या संस्थेच्या सन 2026 ते 2031 या कालावधी साठीची निवडणूक बिनविरोध पार पडली.आज दि.30/07/2026 रोजी सिंधुदुर्गनगरी, ओरोस येथील कार्यालयात अध्यक्ष व उपाध्यक्ष पदाची निवड प्रक्रिया पार पडली.

*निवडणूक निर्णय अधिकारी* म्हणून श्री. आर. टी. चौगुले यांनी काम पाहिले.

*बिनविरोध निवड झालेले पदाधिकारी :*
1. *अध्यक्ष* : श्री. गजानन संभाजी सावंत
2. *उपाध्यक्ष* : श्री. विनोद रामचंद्र मर्गज

*सत्कार व मनोगत :* सिंधुदुर्ग जिल्हा मध्यवर्ती सहकारी बँकेचे अध्यक्ष श्री. मनीष दळवी यांच्या मार्गदर्शनाखाली निवडणूक कार्यक्रम पार पडला. श्री. दळवी यांनी नवनिर्वाचित अध्यक्ष श्री. सावंत व उपाध्यक्ष श्री. मर्गज यांचा शाल व श्रीफळ देऊन यथोचित सत्कार केला. याप्रसंगी “आपण व आपले सर्व सहकारी यांचे मार्फत मंडळास आवश्यक ते योग्य सहकार्य करू” असे मत श्री. दळवी यांनी व्यक्त केले.

*नवनिर्वाचित अध्यक्षांची भूमिका :* जिल्ह्यातील सहकारी चळवळीच्या पोषक वाढीसाठी व सहकारी संस्था सक्षम बनविण्यासाठी सभासद, पदाधिकारी, कार्यकर्ते, अधिकारी, कर्मचारी व सेवक यांना कार्यक्षम बनविण्यासाठी बदलत्या काळानुसारचे सहकारी शिक्षण-प्रशिक्षण सहकारी मंडळामार्फत देणेत येईल, असे नवनिर्वाचित अध्यक्ष श्री. गजानन सावंत व उपाध्यक्ष श्री. विनोद मर्गज यांनी निवडीनंतर बोलताना सांगितले.

*नवनिर्वाचित संचालक मंडळ :* श्री. विलासराव बा. ऐनापुरे, श्री. गजानन सु. गावडे, श्री. मधुसुदन के. गावडे, श्री. सुभाष रा. तळवडेकर, श्री. केशव र. नारकर, श्री. प्रकाश मु. सावंत, श्री. सुरेश ज्ञा. चौकेकर.संचालिका : श्रीम. कुंदा प्र. पै, श्रीम. प्रज्ञा प्र. परब
यावेळी जिल्हा सहकार विकास अधिकारी श्री. मंगेश रा. पांचाळ उपस्थित होते.