🛑अभिजीत दिपके ‘कॉक्रोच जनता पार्टी’चे संस्थापक दिल्लीत दाखल,,

✒️लोकसंवाद /-नवी दिल्ली.

सोशल मीडिया चळवळ ‘कॉक्रोच जनता पार्टी’चे संस्थापक अभिजीत दिपके आज 6 जून सकाळी भारतात दाखल झाले आहेत. दरम्यान त्यांनी एक्सवर पोस्ट करत याबाबत माहिती दिली. तसेच समर्थकांना आवाहन केलं. यापूर्वी ते दिल्लीतील जंतरमंतर मैदानात आंदोलन करणार आहेत.

शिक्षण मंत्री धर्मेंद्र प्रधान यांच्या राजीनाम्याच्या मागणीसाठी ते आंदोलन करणार असल्याचं अभिजीत दिपके यांनी सांगितलं होतं. दरम्यान, अभिजीत दीपके यांच्या दिल्लीतील आगमनाच्या पार्श्वभूमीवर इंदिरा गांधी आंतरराष्ट्रीय विमानतळावर मोठा पोलीस बंदोबस्त तैनात करण्यात आला आहे.

कॉक्रोच जनता पार्टीचे प्रवक्ते आशुतोष यांनी काय प्रतिक्रिया दिली?

कॉक्रोच जनता पार्टीचे प्रवक्ते आशुतोष रांका बीबीसीसोबत बोलताना म्हणाले की, “अभिजीत आरामात जंतर-मंतरवर पोहोचतील, तत्पूर्वी ते पार्लियामेंटरी स्टेट पोलीस ठाण्यात जाऊन परवानगी घेणार आहेत. त्यानंतर आम्ही जंतर-मंतरवर शांतीपूर्वक प्रदर्शन करणार आहोत, आणि सर्व गोष्टी कायद्याच्या कक्षेत राहुन पार पडतील अशी आम्हाला अपेक्षा आहे. पोलीसही आम्हाला सहकार्य करत आहेत.”

कॉक्रोच जनता पार्टीचे प्रवक्ते आशुतोष रांका

या प्रदर्शनात किती लोक उपस्थित राहतील? परिस्थिती हाताबाहेर जाऊ नये, यासाठी काही उपाययोजना केल्या आहेत, या प्रश्नाला उत्तर देताना आशुतोष म्हणाले की, “आजचा दिवस देशाच्या राजकारणातील महत्वाचा दिवस आहे. देशभरातील युवा आज येथे उपस्थित राहतील, संपूर्ण देश याचा साक्षी राहील.

“”दिल्ली पोलिसांचं आम्हाला सहकार्य आहे, परिस्थिती हाताबाहेर जाणार नाही, याची आम्ही पूर्ण काळजी घेऊ. आम्ही शांततेत प्रदर्शन करणार आहोत. या देशातील युवा पीढीवर विश्वास ठेवा. हा गांधींचा देश आहे, तरुणांना माहिती आहे की शांतीपूर्वक प्रदर्शन कसं करायचं हे तरुणांना माहिती आहे”, अशी प्रतिक्रिया त्यांनी दिली.

“मी दिल्लीत दाखल झालो आहे. जंतर मंतर येथे तुम्हा सर्वांना भेटण्यास उत्सुक आहे. पुस्तक आणि आपला तिरंगा सोबत आणायला विसरू नका!” “करुणा आणि कृतज्ञतेची भावना म्हणून पोलिसांना फुले भेट द्या. आपल्याला ही चळवळ प्रेम आणि शांततेने पुढे न्यायची आहे”, असं आवाहन त्यांनी केलं.