🛑डीनच्या नाकर्तेपणाच्या धोरणामुळे सिंधुदुर्ग जिल्ह्याची आरोग्य यंत्रणा अधोगतिकडे जाण्याची लक्षणे ?

◼️मंजूर असलेल्या आयुष रुग्णालयास सिंधुदुर्ग जिल्ह्याच्या डीनकडून इमारतीचा ताबा देण्यास टाळा -टाळ..

✒️लोकसंवाद /- समिल जळवी, सिंधुदुर्ग .

मेडिकल कॉलेज व हॉस्पिटलच्या कारभारावर वारंवार होणारे भ्रष्टाचारचे व रुग्णांच्या हलगर्जीपणाचे आरोप पाहता डीनला नक्की कोण पाठीशी घालतंय हा खरा प्रश्न खरा नागरिकांना निर्माण झाला आहे.सिंधुदुर्ग जिल्ह्यातील डीन यांच्या संदर्भात गेल्या वर्ष भरात अनेक तक्रारी ह्या वारंवार येत आहेत या तक्रारीचे आणि जिल्ह्यातील रुग्णांची होणारी हेळसांड याकडे सिंधुदुर्ग जिल्ह्याचे पालकमंत्री नितेश राणे यांनी लक्ष देणा खरच गरच आहे. अश्या या डीनच्या मनमानी कारभार कोण थांबवणार याकडे सर्वांचे लक्ष लागून राहिले आहे.अश्या या डीन च्या नाकर्तेपणाच्या धोरणामुळे सिंधुदुर्ग जिल्ह्याची आरोग्य यंत्रणा अधोगतिकडे जाण्याची लक्षणे दिसत आहेत.

जिल्ह्या रुग्णालय ओरोस येथे तीस खाटांचे आयुष रुग्णालय मंजूर असताना रुग्णालयासाठी बांधण्यात आलेली इमारत ही सद्याच्या स्थितित ती शासकीय वैद्यकीय महाविद्यालयाच्या ताब्यात आहे.या सदरील इमारतीचा अर्धा भाग हा आयुष रुग्णालय सुरू करण्यासाठी तात्काळ सार्वजनिक आरोग्य विभागाच्या ताब्यात द्यावा अशा प्रकारचे निर्देश सार्वजनिक आरोग्य विभागाचे सचिव, सिंधुदुर्ग जिल्हाधिकारी व मुख्य कार्यकारी अधिकारी, जि. प. सिंधुदुर्ग यांनी देऊन देखील शासकीय वैद्यकीय महाविद्यालयाचे प्रभारी अधिष्ठाता श्री. दवंगे यांनी सदरच्या आदेशांना केराची टोपली दाखवत इमारत चक्क निर्लेखीत करत ती ईमारत साहित्य ठेवण्यासाठी राखून ठेवली आहे.

अश्या डीनच्या आडमुठ्या कारभारामुळे सिंधुदुर्ग जिल्ह्यातील जनतेला फटका बसत असून जिल्ह्यातील अनेक रुग्णांना आयुर्वेदिक चिकित्सेकरिता धारवाड येथे आयुर्वेद संस्थान रुग्णालयात जावे लागत आहे. हे आयुष रुग्णालय वेळीच जिल्ह्यात सुरु झाले असते तर सिंधुदुर्ग जिल्ह्यातील जनतेला पंचकर्म व आयुर्वेद सेवा जिल्ह्यातच उपलब्ध झाल्या असत्या व नागरिकांचे हेलपाटे थांबले असते. आयुष रुग्णालय इमारतीसाठी केंद्र शासन आयुष मंत्रालयाने 6 कोटी खर्च करून देखील आयुष मंत्रालयाच्या मूळ उद्देशांना डीनच्या आडमुठे पणामुळे हरताळ फासला जात असून जिल्ह्याधिकाऱ्यांच्या आदेशांची पायमल्ली करणाऱ्या अधिष्ठातांवर कारवाईस का विलंब केला जातोय हा खरा प्रश्न आहे.

🛑डीनच्या नाकर्तेपणाच्या धोरणामुळे सिंधुदुर्ग जिल्ह्याची आरोग्य यंत्रणा अधोगतिकडे जाण्याची लक्षणे ?

ByLoksanvad News

By Loksanvad News

Related Post

🛑बांदयात आढळले मृत माकड.

🛑सिंधुदुर्ग जिल्हा बँकेच्या लिपिक पदच्या परीक्षेमधील पात्र उमेदवारांच्या मुलाखती १७ एप्रिल रोजी..

🛑सावंतवाडी पालिकेतील आरोग्य कर्मचाऱ्यांचा विशाल परबांकडून सन्मान..