🛑लक्ष्मीबाई कन्याशाळा वेंगुर्ला येथे पारितोषिक वितरण आणि सत्कार समारंभ संपन्न.

✒️लोकसंवाद /- वेंगुर्ला.

चालू वर्षातील 2026 चा जि.प.प्राथमिक शाळा राणी लक्ष्मीबाई कन्याशाळा वेंगुर्ला येथे वार्षिक पारितोषिक वितरण आणि सत्कार समारंभ दिमाखात पार पडला.या कार्यक्रमाचे अध्यक्षस्थान सौ.नम्रता कुबल ,माजी नगराध्यक्षा वेंगुर्ला यांनी भुषविले.

कार्यक्रमाची सुरुवात दिपप्रज्वलन आणि सरस्वती मातेला पुष्पहार अर्पण करून करण्यात आली.विद्यार्थ्यांनी ईशस्तवन आणि स्वागत गीत म्हणून उपस्थितांची मने जिंकली.यावेळी व्यासपीठावर उपस्थित सर्व मान्यवरांचे गुलाब पुष्प देऊन स्वागत करण्यात आले.

सौ.नम्रता कुबल यांच्या हस्ते संगणक कक्षाचे उद्घाटन करण्यात आले तर श्री. विनय नेरुरकर आणि सौ.सुषमा प्रभू खानोलकर नगरसेवक वेंगुर्ला यांच्या हस्ते कलर प्रिंटरचे उद्घाटन करण्यात आले.

सौ.नम्रता कुबल यांनी 06 संगणक संच उपलब्ध करून दिल्याबद्दल त्यांना शाल श्रीफळ देऊन गौरविण्यात आले. . त्याचप्रमाणे नवनियुक्त नगरसेवक श्री.विनय नेरुरकर आणि नवनियुक्त नगरसेविका सौ.सुषमा प्रभू खानोलकर यांचा शाल श्रीफळ देऊन सत्कार करण्यात आला. सौ.रिमा नाईक यांनी शाळेला साउंड सिस्टीम उपलब्ध करून दिल्याबद्दल त्यांना सन्मानित करण्यात आले.श्री शेखर वेंगुर्लेकर यांनी 5000/-रुपयांचे आर्थिक सहकार्य केल्याबद्दल त्यांचाही सत्कार करण्यात आला.

वार्षिक पारितोषिक वितरणासाठी आर्थिक सहकार्य करणारे बॅंक ऑफ इंडिया शाखा वेंगुर्ला,श्री.जयेश गावडे आणि श्री अशोक ठोंबरे यांचाही शाल श्रीफळ देऊन यथोचित गौरव करण्यात आला.यानंतर विविध स्पर्धांमध्ये यशस्वी झालेल्या शाळेतील सर्व विद्यार्थ्यांना पारितोषिक वितरण करण्यात आले. मान्यवरांनी आपली मनोगते व्यक्त करून शाळेच्या वाटचालीस शुभेच्छा दिल्या.