🛑जिल्हा परिषद आरोग्य विभागाकडील कंत्राटी वाहन चालकांची दिवाळी अंधारमयचं.! कर्मचारी तीन महिने पगाराच्या प्रतीक्षेत.!

◼️टेंडर ‘मॅनेज’मेंट मध्ये रमलेल्या आरोग्य प्रशासनाला जागं करण्यासाठी प्रसंगी करणार भिकमांगो आंदोलन.;प्रसाद गावडेंचा इशारा.

🖋️लोकसंवाद /- ओरोस.

सिंधुदुर्ग जिल्हा परिषद आरोग्य विभागाच्या अधिनस्त येणाऱ्या प्राथमिक आरोग्य केंद्रांकडील कंत्राटी आऊटसोर्स पद्धतीने कार्यरत वाहन चालक मागील तीन महिन्यांपासून वेतनाच्या प्रतीक्षेत काम करत आहेत.त्यामुळे या कर्मचाऱ्यांची व त्यांच्या कुटुंबीयांची यंदाची दिवाळी ही अंधारातच गेल्याने कर्मचारी हवालदिल झाले आहेत. मिळालेल्या माहितीनुसार संबंधित ठेकेदाराने मागील वर्षभर कर्मचाऱ्यांची भविष्य निर्वाह निधी योजना रक्कम देखील कर्मचाऱ्यांच्या खात्यात भरणा न केल्याचे समोर आले आहे. जि. प.आरोग्य विभागाकडील अधिकारी व कर्मचारी यांचे पुरवठादारांसोबत अर्थपूर्ण हितसंबंध असल्यानेचं जिल्हा परिषद आरोग्य विभागाकडील ठेकेदारांची मुजोरी दिवसेंदिवस वाढत चाललेली असून जिल्हा परिषद आरोग्य विभाग आउटसोर्स निविदा मॅनेजमेंटमध्ये पूर्णपणे रमली असून कर्मचाऱ्यांना वाऱ्यावर सोडलं असल्याचा सनसनाटी आरोप श्री. गावडेंनी केला आहे. कर्मचाऱ्यांच्या भविष्य निर्वाह निधी योजना व राज्य कर्मचारी विमा योजना रक्कमेत अधिकारी – कर्मचारी व ठेकेदारांनी संगनमताने अपहर केल्याची चौकशी आयुक्तांच्या सूचनेनुसार चालू असून या चौकशी प्रक्रियेत कामगारांनी “आपली तक्रार नाही” असे लिहून देण्याचा दबाव कर्मचाऱ्यांवर केला जातं असल्याच्या तक्रारी प्राप्त झाल्या असून कंत्राटी कर्मचाऱ्यांचे मानसिक खच्चीकरण केले जात आहे. आरोग्य विभागाकडील अधिकारी कर्मचाऱ्यांना कामगारांच्या थकीत वेतनाबाबत व इतर प्रश्नांबाबत सोयरसुतक नसून टेंडर मॅनेजमेंटमध्ये रस असून कामगारांच्या थकीत वेतन प्रश्नावर तात्काळ तोडगा काढला जावा अन्यथा कर्मचाऱ्यांच्या कुटुंबीयांसमवेत जिल्हा परिषदच्या पायऱ्यांवर भिखमांगो आंदोलन करण्याचा इशारा स्वाभिमानी कामगार संघटनेचे अध्यक्ष तथा शिवसेना कामगार सेनेचे जिल्हाध्यक्ष प्रसाद गावडे यांनी दिला आहे.