🛑दिवाळीपूर्वी शेतकऱ्यांना नुकसान भरपाई मिळावी छत्रपती शिवाजी महाराज सिंधुदुर्ग जिल्हा शेतकरी संघटनेची मागणी..

🖋️लोकसंवाद /- वेंगुर्ला.

दिनांक 17 मे पासून आंबा काढणी पश्चात मोठ्या प्रमाणात अवकाळी पावसामुळे आंबा उत्पादक शेतक-यांचे मोठ्या प्रमाणात नुकसान झाले होते.परंतु त्याचे पंचनामे झाले नाहीत.तसेच कोकम नुकसान झालेल्या शेतक-यांचे पंचनामे झाले व अनुदान ही आलेले असून अदयाप शेतक-यांच्या खात्यावर जमा झालेले नाही.त्यामुळे सप्टेंबर मध्ये आलेले अनुदान – नुकसान भरपाई दिवाळीपूर्वी देण्यात यावी, अशी मागणी छत्रपती शिवाजी महाराज सिंधुदुर्ग जिल्हा शेतकरी संघटना व वेंगुर्ला तालुक्यातील शेतकरी यांच्या वतीने तहसीलदार यांच्याकडे आज बुधवारी लेखी निवेदनद्वारे करण्यात आली आहे.याबाबत चे निवेदन नायब तहसीलदार राजन गवस यांच्याकडे देण्यात आले.
यावेळी शेतकरी संघटनेचे अध्यक्ष शामसुंदर राय, वायंगणी सरपंच अवि दुतोंडकर, आत्माराम दामले, शेखर आरोलकर, मेघ:शाम भगत,दिलीप राणे, मुकुंद नाईक, अर्जुन नाईक, राजन आरोसकर आदी शेतकरी उपस्थित होते.