🛑अणसूर येथील नेत्रतपासणी शिबिरामध्ये 82 जणांना लाभ..

🖋️लोकसंवाद /- वेंगुर्ला.

मुख्यमंत्री समृद्ध पंचायत राज अभियाना अंतर्गत अणसूर ग्रामपंचायत येथे आयोजित करण्यात आलेल्या मोफत नेत्र  तपासणी आरोग्य  शिबिरामध्ये 82 जणांनी लाभ घेतला. तसेच 24 जणांनी आयुषमान कार्ड काढून घेण्याचा लाभ घेतला. कार्यक्रमाचे उदघाटन छत्रपती शिवाजी महाराज यांच्या प्रतिमेला सरपंच सत्यविजय गावडे यांच्या हस्ते पुष्पहार घालून व
आनंद गावडे यांच्या हस्ते दिपप्रज्वलन करून करण्यात आले. या शिबिरात लाभ घेतलेल्या 82 जणांना मोफत चष्मा वाटप करण्यात येणार आहेत.या कार्यक्रमास सरपंच सत्यविजय गावडे यांनी मनोगत व्यक्त करताना, हे शिबीर लावण्याचा उद्देश हा आहे कि सर्व ग्रामस्थाना याचा लाभ घेता यावा, सेवा सुविधा पुरविता याव्यात असाच आहे, वर्षातून दोन ते तीन वेळा आरोग्याच्या दृष्ठीने वेगवेगळी शिबीरे घेत असतो आणि याही फुढे आम्ही मुख्यमंत्री समृद्ध पंचायत राज अभियान राबवित असताना ग्रामपंचायत च्या माध्यमातून आरोग्यच्या दृष्ठीने म्हणा किंवा  अन्य योजनातून म्हणा नवनवीन उपक्रम राबवून ग्रामस्थाना सेवा सुविधा पुरविल्या जातील, याची ग्वाही दिली.डॉ. गद्रे यांच्या वैद्यकीय टीमसह उपसरपंच वैभवी मालवणकर, सदस्य सीमा गावडे, वामन गावडे, सुधाकर गावडे, संयमी गावडे, प्रज्ञा गावडे, सामाजिक कार्यकर्ते आनंद ( बिटू )गावडे, गणेश गावडे, प्रभाकर गावडे, अंगणवाडी सेविका अनिषा गावडे, मदतनीस अन्नपूर्णा गावडे, आशा सेविका अनुष्का तेंडोलकर, सीआरपी शिला देवूलकर, रुचिता गावडे उपस्थित होते.