🛑कणकवलीत अंमली पदार्थविरोधी जनजागृती मोहिमेत प्रभावी मार्गदर्शन.

🖋️लोकसंवाद /- कणकवली.

कणकवली, दि. 29 सप्टेंबर 2025 – सिंधुदुर्ग जिल्हा पोलीस दलाच्या वतीने आणि मा. पोलीस अधीक्षक यांच्या संकल्पनेतून आयोजित अंमली पदार्थविरोधी जनजागृती मोहिमेअंतर्गत कणकवली कॉलेज येथे जागरुकता कार्यक्रमाचे आयोजन करण्यात आले.

या कार्यक्रमात साईरुप हॉस्पिटल, कुडाळ येथील सायक्लॉजिस्ट श्रीमती रुफा एजाज नाईक यांनी *“अंमली पदार्थाचे दुष्परिणाम आणि त्यापासून संरक्षण”* या विषयावर मार्गदर्शन केले. त्यांच्या माहितीपूर्ण आणि प्रेरणादायी संवादातून विद्यार्थ्यांना तसेच उपस्थित नागरिकांना अंमली पदार्थांच्या घातक परिणामांविषयी सखोल माहिती मिळाली.

श्रीमती नाईक यांच्या मार्गदर्शनामुळे विद्यार्थी वर्गामध्ये अंमली पदार्थांविषयी जागरुकता वाढविण्यास मोठी मदत झाली असून, त्यांच्या सामाजिक जाणीवेच्या सादरीकरणाचे जिल्हा पोलीस विभागाने विशेष कौतुक केले आहे.

या प्रसंगी कणकवली पोलीस ठाण्याचे पोलीस निरीक्षक श्री. तेजस नलावडे यांनी श्रीमती रुफा नाईक यांच्या कार्याचे अभिनंदन करत, *“त्यांचे योगदान युवकांना अंमली पदार्थांपासून दूर राहण्यास आणि सुदृढ समाजनिर्मितीस प्रेरित करणारे ठरेल”* असे मत व्यक्त केले. या प्रसंगी पोलीस सब इन्स्पेक्टर कांबळे साहेब, वरीष्ठ पोलीस कर्मचारी श्रीमती विनया सावंत आणि कणकवली कॉलेज चे प्राचार्य प्रा. युवराज महालींगे आणि शिक्षक, कर्मचारी उपस्थित होते.

या जनजागृती मोहिमेमुळे विद्यार्थ्यांमध्ये आणि नागरीकांमध्ये सामाजिक जबाबदारीची भावना दृढ झाली असून, सिंधुदुर्ग पोलीस दलाचे हे उपक्रम समाजहितासाठी महत्त्वाचे ठरत आहेत.